മലപ്പുറം: മലപ്പുറത്ത് യുവാവ് കുത്തേറ്റു മരിച്ചു. മലപ്പുറത്താണ് സംഭവം. കഴിശ്ശേരി സ്വദേശി പ്രജിത്ത് ആണ് മരിച്ചത്. 25 വയസായിരുന്നു. ഇന്ന് വൈകിട്ട് അഞ്ച് മണിയോടെയാണ് സംഭവം നടന്നത്.
Read Also: വന്ദേ ഭാരത് കാരണം മറ്റു ട്രെയിനുകള്‍ വൈകുന്നു: റെയില്‍വെ മന്ത്രിക്ക് കത്തയച്ച് കെസി വേണുഗോപാൽ
എടവണ്ണ സ്വദേശിയായ വ്യക്തിയാണ് പ്രജിത്തിനെ കുത്തിയത്. ഇയാൾ ഇപ്പോൾ ഒളിവിലാണ്. പ്രജിത്തിന്റെ സുഹൃത്തായ നൗഫലിനും കുത്തേറ്റു. ഇയാളെ മഞ്ചേരി മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്.
വാക്കുതർക്കമാണ് കത്തി കുത്തിൽ കലാശിച്ചത്. ലൈറ്റർ ചോദിച്ചതിന്റെ പേരിലാണ് വാക്കുതർക്കം ഉണ്ടായത്. സംഭവ സ്ഥലത്ത് വെച്ച് തന്നെ പ്രജിത്ത് മരണമടഞ്ഞു. പ്രജിത്തിന്റെ മൃതദേഹം മഞ്ചേരി മെഡിക്കൽ കോളേജിൽ പ്രവേശിപ്പിച്ചിരിക്കുകയാണ്. കൊണ്ടോട്ടി പോലീസ് സ്ഥലത്തെത്തി അന്വേഷണം ആരംഭിച്ചു. പ്രതിയ്ക്കായി തെരച്ചിൽ പുരോഗമിക്കുകയാണെന്ന് പോലീസ് അറിയിച്ചു.
Post Your Comments