പെട്രോള്‍ പമ്പിൽ ബൈ​ക്ക് ഇ​ര​പ്പി​ച്ച​ത്​ ചോദ്യം ചെയ്തതിന്റെ വിരോധത്തിൽ ആക്രമണം: രണ്ടുപേര്‍ കൂടി പിടിയിൽ

മെ​ഡി​ക്ക​ല്‍ കോ​ള​ജ്: പെ​ട്രോ​ള്‍ പ​മ്പ് ആ​ക്ര​മി​ച്ച കേ​സി​ൽ ര​ണ്ടു പേ​ര്‍കൂ​ടി അറസ്റ്റിൽ. ഉ​ള്ളൂ​ര്‍ ഇ​ള​ങ്കാ​വ് വി​ള​യി​ല്‍ വീ​ട്ടി​ല്‍ അ​മ​ല്‍ (23), ഉ​ള്ളൂ​ര്‍ ചെ​റു​വ​യ്ക്ക​ല്‍ ഇ​ള​ങ്കാ​വ് കാ​ട്ടി​ല്‍ വീ​ട്ടി​ല്‍ സൂ​ര​ജ് (24) എ​ന്നി​വ​രെ​യാ​ണ് പൊ​ലീ​സ് അ​റ​സ്റ്റ് ചെ​യ്ത​ത്. മെ​ഡി​ക്ക​ല്‍ കോ​ള​ജ് പൊ​ലീ​സാണ് പി​ടി​കൂടിയത്.

Read Also : ‘പുടിൻ ഒരു ദുഷ്ട സ്വേച്ഛാധിപതിയാണെന്നതിന്റെ അർത്ഥം ഉക്രൈൻ നല്ലതാണെന്നല്ല’: വിവേക് ​​രാമസ്വാമി

ക​ഴി​ഞ്ഞ ഞാ​യ​റാ​ഴ്ച രാ​ത്രി 7.30-ഓ​ടെ ഉ​ള്ളൂ​രി​ലു​ള​ള സി​വി​ല്‍ സപ്ലൈ​സ് പെ​ട്രോ​ള്‍ പ​മ്പി​ലാ​ണ്​ സം​ഭ​വം. പെ​ട്രോ​ള്‍ അ​ടി​ക്കാ​നെ​ത്തി​യ കേ​സി​ലെ ഒ​ന്നാം പ്ര​തി​യാ​യ രാ​ഹു​ല്‍ ബൈ​ക്ക് ഇ​ര​പ്പി​ച്ച​ത്​ ജീ​വ​ന​ക്കാ​ര്‍ ചോ​ദ്യം ചെ​യ്തു. ഇ​തി​ല്‍ കു​പി​ത​നാ​യ രാ​ഹു​ല്‍ പെ​ട്രോ​ള്‍ അ​ടി​ക്കാ​തെ മ​ട​ങ്ങി​പ്പോ​യി. തുടർന്ന്, സു​ഹൃ​ത്തു​ക്ക​ളു​മാ​യി തി​രി​കെ​യെ​ത്തി​യ അ​ക്ര​മി സം​ഘം ഓ​ഫീസ് മു​റി​യി​ലെ ഗ്ലാ​സ് ഡോ​ര്‍ ത​ല്ലി​ത്ത​ക​ർ​ത്തു.

രാ​ഹു​ലി​നെ സം​ഭ​വ​ദി​വ​സം തന്നെ പൊ​ലീ​സ് ക​സ്റ്റ​ഡി​യി​ലെ​ടു​ത്തി​രു​ന്നു. അ​മ​ലി​നെ​യും, സൂ​ര​ജി​നെ​യും കോ​ട​തി​യി​ല്‍ ഹാ​ജ​രാ​ക്കിയ ശേഷം റി​മാ​ന്‍ഡ് ചെ​യ്തു.