ദേ​ശീ​യ​പാ​ത​യി​ല്‍ തോ​ക്കു​ചൂ​ണ്ടി കാ​റും ഡ്രൈ​വ​റെ​യും ത​ട്ടി​ക്കൊ​ണ്ടു​പോ​യി : രണ്ടു പ്രതികൾ കൂടി പൊലീസ് പിടിയിൽ

ആ​ലു​വ: ദേ​ശീ​യ​പാ​ത​യി​ല്‍ തോ​ക്കു​ചൂ​ണ്ടി കാ​റും ഡ്രൈ​വ​റെ​യും ത​ട്ടി​ക്കൊ​ണ്ടു​പോ​യ കേ​സി​ല്‍ രണ്ടു പ്രതികൾ കൂടി അ​റ​സ്റ്റി​ല്‍. ക​റു​ക​പ്പി​ള്ളി ഈ​ച്ച​ര​ങ്ങാ​ട് വാ​ട​ക​ക്ക്​ താ​മ​സി​ക്കു​ന്ന പ​ള്ളു​രു​ത്തി ക​ള്ളി​വ​ള​പ്പി​ല്‍ ചേ​ന​പ്പ​റ​മ്പി​ല്‍ വീ​ട്ടി​ല്‍ മു​ഹ​മ്മ​ദ് സ​ജാ​ദ് (25), അ​ഞ്ച​പ്പാ​ലം കോ​ട​ര്‍​ലി​യി​ല്‍ വാ​ട​ക​ക്ക് താ​മ​സി​ക്കു​ന്ന കൊ​ടു​ങ്ങ​ല്ലൂ​ര്‍ കോ​ട​ഞ്ചേ​രി ത​മീ​ന്‍ (29) എ​ന്നി​വ​രാണ് പിടിയിലായത്. ആ​ലു​വ പൊ​ലീ​സ് ആണ് പ്രതികളെ അ​റ​സ്റ്റ് ചെ​യ്ത​ത്.

ക​ഴി​ഞ്ഞ 31-ന് ആണ് കേസിനാസ്പദമായ സംഭവം. ​പു​ല​ര്‍​ച്ച കമ്പനി​പ്പ​ടി ഭാ​ഗ​ത്ത് വെ​ച്ചാ​ണ് ഹാ​ന്‍​സു​മാ​യി കാ​റി​ലെ​ത്തി​യ പൊ​ന്നാ​നി സ്വ​ദേ​ശി സ​ജീ​റി​നെ എ​ട്ടം​ഗ സം​ഘം തോ​ക്കു​ചൂ​ണ്ടി ഭീ​ഷ​ണി​പ്പെ​ടു​ത്തി വാ​ഹ​ന​മു​ള്‍​പ്പെ​ടെ ത​ട്ടി​ക്കൊ​ണ്ടു​പോ​യ​ത്. മ​ര്‍​ദി​ച്ച​ശേ​ഷം ഇ​യാ​ളെ ക​ള​മ​ശ്ശേ​രി​യി​ല്‍ ഇ​റ​ക്കി വി​ട്ടു. പി​ന്നീ​ട് ഫോ​ണും കാ​റു​മാ​യി ക​ട​ന്നു ക​ള​യു​ക​യാ​യി​രു​ന്നു.

Read Also : ഇഷ്ടപ്പെട്ടില്ല, അച്ഛന്റെ പടമാണെങ്കിലും എന്തെങ്കിലും നല്ലതാക്കി കൂടായിരുന്നോ?: രമേശ് പിഷാരടിയോട് മകൾ പീലി

അറസ്റ്റിലായ പ്രതികൾ കൃ​ത്യ​ത്തി​ല്‍ നേ​രി​ട്ട് പ​ങ്കെ​ടു​ത്ത​വ​രാണ്. ക്വ​ട്ടേ​ഷ​ന്‍ കൊ​ടു​ത്ത, ഏ​ലൂ​ര്‍ മ​ഞ്ഞു​മ്മ​ല്‍ ക​ല​ച്ചൂ​ര്‍ റോ​ഡി​ല്‍ വാ​ട​ക​ക്ക്​ താ​മ​സി​ക്കു​ന്ന പാ​ല​ക്കാ​ട് തൃ​ത്താ​ല ആ​നി​ക്ക​ര പ​യ്യാ​റ്റി​ല്‍ വീ​ട്ടി​ല്‍ മു​ജീ​ബ് ഉ​ള്‍​പ്പെ​ടെ മൂ​ന്നു​പേ​രെ നേ​ര​ത്തേ അ​റ​സ്റ്റ് ചെ​യ്തി​രു​ന്നു.

മു​ജീ​ബി​ന് കൊ​ണ്ടു​വ​ന്ന ഹാ​ന്‍​സ് ത​ട്ടി​യെ​ടു​ക്കാ​ന്‍ മു​ജീ​ബ് ത​ന്നെ ക്വ​ട്ടേ​ഷ​ന്‍ കൊ​ടു​ക്കു​ക​യാ​യി​രു​ന്നു​വെ​ന്നാ​ണ്​ വി​വ​രം. ക്വ​ട്ടേ​ഷ​ന്‍ കൊ​ടു​ത്ത് ഹാ​ന്‍​സും കാ​റും ത​ട്ടി​യെ​ടു​ത്ത് മ​റി​ച്ചു വി​ല്‍​ക്കു​ക​യാ​യി​രു​ന്നു ഇ​യാ​ളു​ടെ ല​ക്ഷ്യം. പ്രതികളെ കോടതിയിൽ ഹാജരാക്കി.