വാകത്താനം: പള്ളി പെരുന്നാളിനിടെയുവാവിനെ ആക്രമിച്ച സംഭവത്തിൽ ഒളിവില്‍ കഴിഞ്ഞ രണ്ടുപേർ കൂടി പൊലീസ് പിടിയിൽ. വാകത്താനം ഏറത്ത് ലിബിന്‍ ബാബു (29), വാകത്താനം ചിറമറ്റേല്‍ മനോജ്മോന്‍ (46) എന്നിവരാണ് പിടിയിലായത്. വാകത്താനം പൊലീസ് ആണ് അറസ്റ്റ് ചെയ്തത്.
കഴിഞ്ഞയാഴ്ച സെന്‍റ് ജയിംസ് സിഎസ്‌ഐ പള്ളി പെരുന്നാള്‍ കഴിഞ്ഞു മടങ്ങിയ സിജോ ജോസഫിനെ പ്രതികൾ സംഘം ചേർന്ന് ആക്രമിക്കുകയായിരുന്നു. പെരുനാളിനിടയില്‍ പ്രതികളും സിജോയും തമ്മില്‍ വാക്കുതര്‍ക്കമുണ്ടായിരുന്നു. ഇതിനെത്തുടര്‍ന്നാണ് ഇവര്‍ ഇയാളെ ആക്രമിച്ചത്. ആക്രമണം തടയാന്‍ ചെന്ന സിജോയുടെ സുഹൃത്തുക്കളെയും പ്രതികള്‍ മർദ്ദിച്ചു.
ഗുണ്ട മോനുരാജ്, യദുകൃഷ്ണന്‍, എ. ആനന്ദ്, ജോജോ ജോസഫ്, റോഷന്‍ മോന്‍ എന്നീ അഞ്ചുപേരെ പൊലീസ് നേരത്തെ പിടികൂടിയിരുന്നു. തുടര്‍ന്നാണ് ഒളിവില്‍ കഴിഞ്ഞിരുന്ന രണ്ടു പേരെകൂടി അറസ്റ്റ് ചെയ്തത്. ഇതോടെ കേസില്‍ ഉള്‍പ്പെട്ട മുഴുവന്‍ പ്രതികളും അറസ്റ്റിലായി.
എസ്എച്ച്ഒ ടി.എസ്. റെനീഷ്, എസ്‌ഐ അനില്‍കുമാര്‍, എഎസ്‌ഐ കെ.എസ്. സുനില്‍, സിപിഒമാരായ ലാല്‍ ചന്ദ്രന്‍, ബിജു ഏബ്രഹാം, ലൈജു, നിയാസ്, എന്‍.ജെ. സെബാസ്റ്റ്യന്‍, പി.പി. സെബാസ്റ്റ്യന്‍ എന്നിവര്‍ ചേര്‍ന്നാണ് പ്രതികളെ പിടികൂടിയത്. പ്രതികളെ കോടതിയിൽ ഹാജരാക്കി.
Post Your Comments