ടൂ​റി​സ്റ്റ് ഹോ​മി​ൽ എ​ക്സൈ​സിന്റെ മിന്നൽ പരിശോധന: 56.65 ഗ്രാം ​എം.​ഡി.​എം.​എ പി​ടി​കൂ​ടി

തൃ​ശൂ​ർ: ടൂ​റി​സ്റ്റ് ഹോ​മി​ൽ എ​ക്സൈ​സ് വ​കു​പ്പ് ന​ട​ത്തി​യ മി​ന്ന​ൽ പ​രി​ശോ​ധ​ന​യി​ൽ 56.65 ഗ്രാം ​എം.​ഡി.​എം.​എ പി​ടി​ച്ചെടുത്തു. പ്ര​തി​ക​ൾ ഒ​ളി​വി​ലാ​ണ്. എ​ക്സൈ​സ് സ​ർ​ക്കി​ൾ ഇ​ൻ​സ്പെ​ക്ട​ർ പി. ​ജു​നൈ​ദി​ന്റെ നേ​തൃ​ത്വ​ത്തി​ലാ​യി​രു​ന്നു പ​രി​ശോ​ധ​ന.

എം.​ഡി.​എം.​എയ്ക്ക് പു​റ​മെ വെ​യി​ങ് മെ​ഷീ​ൻ, മൂ​ന്ന് ബ​ണ്ടി​ൽ സി​ബ് ലോ​ക്ക് ക​വ​റു​ക​ൾ, ഹ​ഷീ​ഷ് ഓ​യി​ൽ അ​ട​ങ്ങി​യ ചി​ല്ലു ഗ്ലാ​സ്, ഹ​ഷീ​ഷ് ഓ​യി​ൽ പാ​ക്ക് ചെ​യ്യാ​ൻ ഉ​പ​യോ​ഗി​ച്ച 111 പ്ലാ​സ്റ്റി​ക് ഡ​ബ്ബ​ക​ൾ, എം.​ഡി.​എം.​എ സൂ​ക്ഷി​ച്ച ല​ത​ർ ബാ​ഗ് എ​ന്നി​വയും റൂമിൽ നിന്ന് ക​ണ്ടെ​ടു​ത്തു. റൂ​മി​ൽ​ നി​ന്ന് ക​ണ്ടെ​ത്തി​യ ഡ​യ​റി​യി​ൽ എം.​ഡി.​എം.​എ​യും ഹ​ഷീ​ഷ് ഓ​യി​ലും മ​റ്റും ക​ച്ച​വ​ടം ന​ട​ത്തി​യ​തി​ന്റെ വി​ശ​ദ​വി​വ​ര​ങ്ങ​ൾ രേ​ഖ​പ്പെ​ടു​ത്തി​യിട്ടുണ്ട്.

Read Also : ഉ​ട​മ​സ്ഥാ​വ​കാ​ശ സ​ർ​ട്ടി​ഫി​ക്ക​റ്റി​ന് കൈ​ക്കൂ​ലി വാ​ങ്ങി: റവന്യൂ ഇൻസ്പെക്ടർ വിജിലന്‍സ് പിടിയില്‍

കൂ​ർ​ക്ക​ഞ്ചേ​രി ഭാ​ഗ​ത്ത് എം.​ഡി.​എം.​എ​യു​മാ​യി എ​ക്സൈ​സ് സ്പെ​ഷ​ൽ സ്ക്വാ​ഡി​ന്റെ പി​ടി​യി​ലാ​യ ക​ണ്ണം​കു​ള​ങ്ങ​ര സ്വ​ദേ​ശി ശ്രീ​ജി​ത്തി​നെ ചോ​ദ്യം ചെ​യ്ത​തി​ൽ​ നി​ന്നാ​ണ് നി​ർ​ണാ​യ​ക വി​വ​ര​ങ്ങ​ൾ ല​ഭി​ച്ച​ത്. തൃ​ശൂ​ർ സ്വ​ദേ​ശി​ക​ളാ​യ ശ​ര​ത്ത്, ഡി​നോ എ​ന്നി​വ​ർ തൃ​ശൂ​ർ വോ​ൾ​ഗ ടൂ​റി​സ്റ്റ് ഹോ​മി​ൽ റൂ​മെ​ടു​ത്ത് എം.​ഡി.​എം.​എ​യും മ​റ്റു മ​യ​ക്കു​മ​രു​ന്നു​ക​ളും വി​ൽ​ക്കു​ന്നു​ണ്ടെ​ന്നാ​യി​രു​ന്നു വി​വ​രം. ഇ​തി​ന്റെ അ​ടി​സ്ഥാ​ന​ത്തി​ലാ​യി​രു​ന്നു ഇ​വ​ർ താ​മ​സി​ച്ചി​രു​ന്ന മു​റി​യി​ൽ എ​ക്സൈ​സി​ന്റെ പ​രി​ശോ​ധ​ന.

ഒളിവിൽ പോയ പ്ര​തി​ക​ൾ​ക്കാ​യി തി​ര​ച്ചി​ൽ പു​രോ​ഗ​മി​ക്കു​ന്ന​താ​യി എ​ക്സൈ​സ് അ​റി​യി​ച്ചു. എ​ക്സൈ​സ് ഇ​ൻ​സ്പെ​ക്ട​ർ എ​ൻ. സു​ദ​ർ​ശ​ന​കു​മാ​ർ, പ്രി​വ​ൻ​റി​വ് ഓ​ഫീ​സ​ർ​മാ​രാ​യ കെ.​എ​സ്. ഗി​രീ​ഷ്, എം.​എം. മ​നോ​ജ്, പ്രി​വ​ൻ​റി​വ് ഓ​ഫ‌ീസ​ർ (ഗ്രേ​ഡ്) സു​നി​ൽ ദാ​സ്, സി​വി​ൽ എ​ക്സൈ​സ് ഓ​ഫീ​സ​ർ​മാ​രാ​യ വി.​എം. ഹ​രീ​ഷ്, സ​നീ​ഷ് കു​മാ​ർ, വ​നി​ത സി​വി​ൽ എ​ക്സൈ​സ് ഓ​ഫീസ​ർ പി​ങ്കി മോ​ഹ​ൻ ദാ​സ് എ​ന്നി​വ​രും പ​രി​ശോ​ധ​ന​യി​ൽ പ​ങ്കെ​ടു​ത്തു.