സംസ്ഥാനത്ത് ഇന്നും ഇടിവിലേക്ക് വീണ് സ്വർണവില, 5 മാസത്തെ താഴ്ന്ന നിലയിൽ

സംസ്ഥാനത്ത് ഇന്നും സ്വർണവിലയിൽ ഇടിവ്. ഒരു പവൻ സ്വർണത്തിന് ഇന്ന് 200 രൂപയാണ് കുറഞ്ഞത്. ഇതോടെ, ഒരു പവൻ സ്വർണത്തിന്റെ ഇന്നത്തെ വില നിലവാരം 42,920 രൂപയാണ്. ഒരു ഗ്രാം സ്വർണത്തിന് 25 രൂപ കുറഞ്ഞ് 5,365 രൂപ നിലവാരത്തിലാണ് വ്യാപാരം പുരോഗമിക്കുന്നത്. ഇതോടെ, 5 മാസത്തെ ഏറ്റവും താഴ്ന്ന നിലവാരത്തിലാണ് ഇന്ന് സ്വർണവില ഉള്ളത്. കഴിഞ്ഞ 3 ദിവസത്തിനിടെ 1,040 രൂപയുടെ ഇടിവാണ് രേഖപ്പെടുത്തിയത്

ആഗോള വിപണിയിലെ വില ഇടിവാണ് പ്രാദേശിക വിപണിയിലും ദൃശ്യമായിരിക്കുന്നത്. ആഗോള വിപണിയിൽ 24 മണിക്കൂറിനിടെ സ്വർണം ഔൺസിന് മൂന്ന് ഡോളറോളം കുറഞ്ഞിട്ടുണ്ട്. നിലവിൽ, ഔൺസിന് 1,863.76 ഡോളർ നിലവാരത്തിലാണ് വ്യാപാരം പുരോഗമിക്കുന്നത്. കഴിഞ്ഞ 30 ദിവസത്തിനിടെ ആഗോള സ്വർണവിലയിൽ 3.78 ശതമാനവും, 6 മാസത്തിനിടെ 5.64 ശതമാനവും വില ഇടിഞ്ഞിട്ടുണ്ട്. വിവാഹ സീസൺ അകലുന്നതോടെ, സ്വർണവിലയിൽ ഇടിവ് ഉണ്ടായേക്കാമെന്നാണ് വിദഗ്ധരുടെ വിലയിരുത്തൽ.

Also Read: വിവാഹ ഫോ​ട്ടോ​ഷൂ​ട്ടെന്ന വ്യാജേന മയക്കുമരുന്നു കടത്ത്: എം.ഡി.എം.എയുമായി മൂന്നുപേർ അറസ്റ്റിൽ