മുന്‍ റെസ്ലിംഗ് സൂപ്പര്‍താരം ബ്രേ വയറ്റ് അന്തരിച്ചു, ഹൃദയാഘാതമാണ് മരണ കാരണം എന്നാണ് റിപ്പോര്‍ട്ട്

ന്യൂജെഴ്‌സി : റെസ്ലിംഗ് എന്റര്‍ടെയ്ന്റ്‌മെന്റ് രംഗത്തെ അതികായകരായ ഡബ്ല്യു ഡബ്ല്യു ഇയിലെ മുന്‍ ചാമ്പ്യന്‍ ബ്രേ വയറ്റ് അന്തരിച്ചു. 36-ാം വയസിലാണ് താരം വിടപറഞ്ഞത്. ഹൃദയാഘാതമാണ് മരണ കാരണം എന്നാണ് റിപ്പോര്‍ട്ട്. ഡബ്ല്യു ഡബ്ല്യു ഇ ചീഫ് കോണ്ടന്റ് ഓഫീസര്‍ ട്രിപ്പിള്‍ എച്ചാണ് ബ്രേ വയറ്റിന്റെ മരണവാര്‍ത്ത ലോകത്തെ അറിയിച്ചത്. ‘WWE ഹോള്‍ ഓഫ് ഫേമര്‍ മൈക്ക് റോട്ടണ്ടയില്‍ നിന്ന് വന്ന ഫോണ്‍ കോളാണ് വിന്‍ഡ്ഹാം റോട്ടണ്ട ബ്രേ വയറ്റ് അന്തരിച്ചെന്ന കാര്യം അറിയിച്ചത്’- ട്രിപ്പിള്‍ എച്ച് കുറിച്ചു.

Read Also:  കുഴൽപ്പണ വേട്ട: മുപ്പതുലക്ഷത്തിലധികം രൂപയുമായി അന്യസംസ്ഥാന തൊഴിലാളികൾ പിടിയിൽ

36 വയസായിരുന്നു. ഡബ്ല്യു ഡബ്ല്യു ഇ ചാമ്പ്യന്‍ഷിപ്പ്, ഡബ്ല്യു ഡബ്ല്യു ഇ യൂണിവേഴ്സല്‍ ചാമ്പ്യന്‍ഷിപ്പ്, ഡബ്ല്യു ഡബ്ല്യു ഇ റോ ടാഗ് ടീം ചാമ്പ്യന്‍ഷിപ്പ്, ടാഗ് ടീം എലിമിനേറ്റര്‍, ഡബ്ല്യു ഡബ്ല്യു ഇ ഇയര്‍ എന്‍ഡ് അവാര്‍ഡ് – മികച്ച പുരുഷ റെസ്ലര്‍ (2019) എന്നിങ്ങനെ നിരവധി പുരസ്‌കാരങ്ങള്‍ നേടിയിട്ടുണ്ട്

അമേരിക്കന്‍ റെസ്ലിംഗ് ബോബി ലാഷ്ലിയുമായുള്ള വഴക്കിനെ തുടര്‍ന്ന് റെസില്‍മാനിയ 39 ല്‍ പങ്കെടുക്കാന്‍ ബ്രേ വയറ്റിന് കഴിഞ്ഞിരുന്നില്ല. അവസാനമായി ബ്രേ വയറ്റ് പങ്കെടുത്ത മത്സരം റോയല്‍ റംബിളില്‍ എല്‍എ നൈറ്റിനെതിരെയായിരുന്നു . അന്ന് വിജയിച്ച ബ്രേ വയറ്റ് ശാരീരിക അസ്വാസ്ഥ്യങ്ങളെ തുടര്‍ന്ന് പിന്നീട് വിശ്രമത്തിലായിരുന്നു. മാസങ്ങളായി ഇടിക്കൂട്ടില്‍ നിന്ന് വിട്ടുനിന്ന ബ്രേ വയറ്റ് തിരിച്ചുവരവിന് ഒരുങ്ങുന്നതിനിടെയാണ് അകാല വിയോഗം.