മരത്തില്‍ തൂങ്ങിയാടുന്ന രൂപം കണ്ട് ഞെട്ടി ഉറക്കം പോയെന്ന് യുവതി: വീഡിയോ കണ്ട് പൊട്ടിച്ചിരിച്ച് സോഷ്യൽ മീഡിയ

ചില ഹൊറര്‍ സിനിമകള്‍ രാത്രികളില്‍ നമ്മുടെ ഉറക്കം കളയാറുണ്ട്. എന്നാല്‍ അത്തരത്തിലൊരു ‘ഹൊറര്‍’ അനുഭവത്തെപ്പറ്റി ഒരു യുവതി സോഷ്യല്‍ മീഡിയയിലെഴുതിയ കുറിപ്പും വീഡിയോയുമാണ് ഇപ്പോള്‍ വൈറലാകുന്നത്. ഉറക്കം വരാത്തതിനെത്തുടര്‍ന്ന് ബാല്‍ക്കണിയിലെത്തിയപ്പോഴാണ് പേടിപ്പെടുത്തുന്ന ആ കാഴ്ച കണ്ടതെന്ന് യുവതി പറയുന്നു. തന്റെ വീടിന് തൊട്ടുമുന്നിലെ ബാല്‍ക്കണിയില്‍ തൂക്കിയിട്ടിരുന്ന ഒരു നൈറ്റിയാണ് യുവതിയെ ഭയപ്പെടുത്തിയത്. തന്റെ ഈ ഹൊറര്‍ അനുഭവമാണ് യുവതി വീഡിയോയിലൂടെ പറയുന്നത്.

‘ ആരാണ് ഇങ്ങനെ തുണി വിരിച്ചിടുക? കഴിഞ്ഞ ദിവസം രാത്രി ഉറക്കം വന്നില്ല. ആ സമയം ഞാന്‍ ഒന്ന് ബാല്‍ക്കണിയിലേക്ക് വന്നു. അപ്പോഴാണ് മുന്നില്‍ ഈ രൂപം കാണുന്നത്.’ നൈറ്റി തൂക്കിയിട്ടിരുന്ന ഹാങ്ങര്‍ കണ്ടില്ലെന്നും യുവതി വീഡിയോയിൽ പറയുന്നുണ്ട്. ഇതാണ് തന്നെ ആകെ ഭയപ്പെടുത്തിയതെന്നും അവര്‍ പറഞ്ഞു. പിന്നീട് ഹനുമാന്‍ ചാലിസ ചൊല്ലിയാണ് താന്‍ കിടന്നുറങ്ങിയതെന്നും യുവതി പറയുന്നു.

???????? pic.twitter.com/N60zQjFKPx

— Aniruddha Joshi (@aniruddha3365) August 20, 2023

നിരവധി പേരാണ് യുവതിയുടെ വീഡിയോയ്ക്ക് കമന്റുമായി എത്തിയത്.ഈ നൈറ്റി കാണുമ്പോള്‍ ആഡംബര ഹോട്ടലുകളിലെ ടവ്വല്‍ ആര്‍ട്ടാണ് ഓര്‍മ്മ വരുന്നത്”, എന്നാണ് ഒരാള്‍ കമന്റ് ചെയ്തത്. വീഡിയോ കണ്ടതില്‍ പിന്നെ ചിരി നിയന്ത്രിക്കാനാകുന്നില്ലെന്നാണ് മറ്റൊരാള്‍ കമന്റ് ചെയ്തത്.

എതിർവശത്തുള്ള വീടിന്റെ ബാൽക്കണിയോട് ചേർന്നുള്ള മരക്കൊമ്പിൽ ഹാങ്ങറിൽ തൂക്കിയിട്ട നിലയിലാണ് നൈറ്റി ഉള്ളത്. രാത്രിയിൽ ഇത്തരമൊരു വിചിത്ര കാഴ്ച ആര് കണ്ടാലും ഭയപ്പെടുമെന്നും പലരും കമന്റ് ചെയ്തു.