തോ​ട്ടി​ൽ സാ​മൂ​ഹ്യ വി​രു​ദ്ധ​ർ ശുചിമുറി മാ​ലി​ന്യം നി​ക്ഷേ​പി​ച്ചതായി പരാതി

നെ​ടു​മ​ങ്ങാ​ട്: വ​ട്ട​പ്പാ​റ റോ​ഡി​ൽ പ​രി​യാ​രം തോ​ട്ട്മു​ക്കി​ലേ​യ്ക്ക് തി​രി​യു​ന്ന ഭാ​ഗ​ത്തെ തോ​ട്ടി​ൽ സാ​മൂ​ഹ്യ വി​രു​ദ്ധ​ർ ശുചിമുറി മാ​ലി​ന്യം നി​ക്ഷേ​പി​ച്ചതായി പരാതി. സ​മീ​പ​വാ​സി​ക​ള്‍ നി​ര​വ​ധി ആ​വ​ശ്യ​ങ്ങ​ള്‍​ക്കാ​യി വെ​ള്ളം ശേ​ഖ​രി​ച്ചി​രു​ന്ന​ത് ഇ​വി​ടെ നി​ന്നാ​യി​രു​ന്നു. എ​ന്നാ​ല്‍, ക​ക്കൂ​സ് മാ​ലി​ന്യം നി​ക്ഷേ​പി​ച്ച​തോ​ടെ സ​മീ​പ​വാ​സി​ക​ള്‍ പൂ​ര്‍​ണ​മാ​യും ദു​രി​ത​ത്തി​ലാ​യി. തോ​ട്ടി​ലെ വെ​ള്ളം ക​റു​ത്ത നി​റ​മാ​വു​ക​യും ജ​ലാ​ശ​യ​ത്തി​ലെ മീ​നു​ക​ള്‍ കൂ​ട്ട​ത്തോ​ടെ ച​ത്തുപൊ​ങ്ങു​ക​യും ചെ​യ്തതോടെയാണ് സംഭവം പുറത്തറിഞ്ഞത്.

Read Also : ലക്ഷ്മി അമ്മാൾ വീണ്ടും തനിച്ചായി; വൃദ്ധസദനത്തിൽ വെച്ച് വിവാഹിതരായ ദമ്പതികളെ മരണം വേർപിരിച്ചു

പ​രി​യാ​രം പു​ന​ര​ധി​വാ​സ കോ​ള​നി, ത​ച്ച​രു​കോ​ണം, പ​രി​യാ​രം തു​ട​ങ്ങി​യ പ്ര​ദേ​ശ​ത്തെ താ​മ​സ​ക്കാ​ർ തു​ണി​ ക​ഴു​കാ​നും കു​ളി​ക്കാ​നും കൃ​ഷി ആ​വ​ശ്യ​ങ്ങ​ൾ​ക്കും ഉ​പ​യോ​ഗി​ക്കു​ന്ന തോ​ടാ​ണ് ഇ​ത്. കൂ​ടാ​തെ, വേ​ന​ൽ​ക്കാ​ല​ത്ത് തോ​ടി​നോ​ട് ചേ​ർ​ന്ന് കു​ളം കു​ഴി​ച്ച് അ​തി​ൽ നി​ന്നു​ള്ള വെ​ള്ളം ശേ​ഖ​രി​ച്ച് വീ​ട്ടാ​വ​ശ്യ​ത്തി​ന് സ​മീ​പ​വാ​സി​ക​ള്‍ ഉ​പ​യോ​ഗി​ക്കാ​റു​ണ്ട്. എ​ന്നാ​ൽ, ഇ​വി​ടെ ശു ചിമുറി മാ​ലി​ന്യം ത​ള്ളു​ന്ന​ത് പ​തി​വാ​ണെ​ന്നും ന​ഗ​ര​സ​ഭ​യു​ടെ നേ​തൃ​ത്വ​ത്തി​ൽ സിസി​ടി​വി കാ​മ​റ സ്ഥാ​പി​ക്ക​ണ​മെ​ന്നും നാ​ട്ടു​കാ​ർ ആ​വ​ശ്യ​പ്പെ​ട്ടു.​

ന​ഗ​ര​സ​ഭ​യെ വി​വ​രം അ​റി​യി​ച്ച​തി​നെ തു​ട​ർ​ന്ന്, ആ​രോ​ഗ്യവി​ഭാ​ഗം ജീ​വ​ന​ക്കാ​ർ എ​ത്തു​ക​യും വെ​ള്ളം പ​മ്പ് ചെ​യ്തും ബ്ലീ​ച്ചിം​ഗ് പൗ​ഡ​ർ വി​ത​റി​യും മാ​ലി​ന്യം നീ​ക്കം ചെ​യ്യാ​നു​ള്ള ന​ട​പ​ടി​ക​ൾ സ്വീ​ക​രി​ച്ചു. പ്രദേശവാസികൾക്കായി താ​ൽ​കാ​ലി​ക​മാ​യി വാ​ട്ട​ർ അ​ഥോ​റി​റ്റി​യു​ടെ ടാ​ങ്ക​റി​ൽ കു​ടി​വെ​ള്ള​വും എ​ത്തി​ച്ച് നൽകി.