Jannah Theme License is not validated, Go to the theme options page to validate the license, You need a single license for each domain name.
Latest NewsNewsIndia

രാഷ്ട്രത്തിന് വേണ്ടിയാണ് ജീവിക്കുന്നത്: തടയാൻ ആർക്കും കഴിയില്ലെന്ന് അമിത് ഷാ

അഹമ്മദാബാദ്: രാഷ്ട്രത്തിന് വേണ്ടിയാണ് ജീവിക്കുന്നതെന്നും അതിനെ തടയാൻ ആർക്കും കഴിയില്ലെന്നും കേന്ദ്ര ആഭ്യന്തരമന്ത്രി അമിത് ഷാ. അഹമ്മദാബാദിൽ സംഘടിപ്പിച്ച തിരംഗ ക്യാമ്പയിൻ ഫ്‌ളാഗ് ഓഫ് ചെയ്ത് സംസാരിക്കുകയായിരുന്നു അദ്ദേഹം.

Read Also: കെ​എ​സ്ആ​ര്‍​ടി​സി ബ​സി​ല്‍ ക​ണ്ട​ക്ട​ര്‍​ക്ക് നേ​രെ മ​ദ്യ​ല​ഹ​രി​യി​ല്‍ ക​യ്യേ​റ്റ ശ്ര​മം: യാ​ത്ര​ക്കാ​ര​ൻ പിടിയിൽ

രാജ്യത്തിന് വേണ്ടി ജീവിക്കുന്നവരെ തടയാൻ ആർക്കും കഴിയില്ല. നമ്മുടെ രാജ്യം സ്വാതന്ത്ര്യം നേടിയതിനാൽ ഇനി മണ്ണിന് വേണ്ടി ജീവൻ നൽകാൻ കഴിയില്ലെങ്കിലും രാഷ്ട്രത്തിന് വേണ്ടി ജീവിതം സമർപ്പിക്കാൻ നുമക്കോരോരുത്തർക്കും സാധിക്കും. കഴിഞ്ഞ സ്വാതന്ത്ര്യദിനത്തിൽ ത്രിവർണ പതാക ഉയർത്താത്ത ഒരു വീടുമില്ലായിരുന്നു. എല്ലാ വീട്ടിലും ദേശീയ പതാക ഉയർത്തുമ്പോൾ രാജ്യം മുഴുവൻ തിരംഗ പാറിപറക്കും. ആസാദി കാ അമൃത് മഹോത്സവത്തിന്റെ വേളയിൽ പ്രധാനമന്ത്രി നരേന്ദ്രമോദി രാജ്യത്തെ പൗരന്മാർക്കിടയിൽ ദേശസ്നേഹം വളർത്താനാണ് ആഗ്രഹിച്ചത്. 2023 ഓഗസ്റ്റ് 15 മുതൽ 2047 ഓഗസ്റ്റ് 15 വരെ സർക്കാർ ‘ആസാദി കാ അമൃത് കാൽ’ ആഘോഷിക്കുമെന്ന് അദ്ദേഹം പറഞ്ഞു.

സ്വാതന്ത്ര്യം നേടിയതിന്റെ 75-ാം വാർഷികം ആഘോഷിച്ചതു മുതലാണ് നാം അമൃത കാലത്തിലേക്ക് കടന്നത്. ഈ കാലയളവിൽ ഇന്ത്യയെ സർവ മേഖലകളിലും ലോകത്തിന്റെ നെറുകയിൽ എത്തിക്കാൻ നാം പരിശ്രമിക്കണമെന്നും അദ്ദേഹം കൂട്ടിച്ചേർത്തു.

Read Also: ഉമ്മൻ ചാണ്ടിയുടെ ആദരാഞ്ജലി ഫ്ലക്സ് ബോർഡുകൾക്ക് മുന്നിൽ ചാണ്ടി ഉമ്മന്റെ ഫ്ലെക്സ്: നീക്കം ചെയ്യണമെന്ന് എൽഡിഎഫ്

shortlink

Related Articles

Post Your Comments

Related Articles


Back to top button