കോഴിക്കോട്: തെരുവുനായ്ക്കൾ കുറുകെ ചാടിയതിനെ തുടർന്ന് ഓട്ടോ മറിഞ്ഞ് ഡ്രൈവർ മരിച്ചു. വടകര അഴിയൂർ ആവിക്കര റോഡിൽ പുതിയപറമ്പത്ത് അനിൽ ബാബു (ചൈത്രം ബാബു -47) ആണ് മരിച്ചത്.
Read Also : ഓണ വിപണി ലക്ഷ്യമിട്ട് ടാറ്റ മോട്ടോഴ്സ്, വാഹനങ്ങൾക്ക് വാഗ്ദാനം ചെയ്യുന്നത് വമ്പിച്ച ഓഫറുകൾ
വ്യാഴാഴ്ച വൈകിട്ട് അഞ്ച് മണിയോടെ കണ്ണൂക്കര-ഒഞ്ചിയം റോഡിലാണ് അപകടം നടന്നത്. ഒരു കൂട്ടം തെരുവ് നായ്ക്കള്‍ റോഡിന് കുറുകെ ചാടി ഓട്ടോയിൽ ഇടിച്ച് മറിയുകയായിരുന്നു. നാട്ടുകാർ വടകര സ്വകാര്യ ആശുപത്രിയിൽ എത്തിച്ചുവെങ്കിലും രാത്രിയോടെ മരിക്കുകയായിരുന്നു.
സി.ഐ.ടി.യു ഹാര്‍ബര്‍ സെക്ഷൻ സെക്രട്ടറിയും പ്രദേശത്തെ സജീവ സാമൂഹിക പ്രവര്‍ത്തകനുമാണ്. മൃതദേഹം ബന്ധുക്കൾക്ക് കൈമാറി. സംസ്കാരം വെള്ളിയാഴ്ച ഉച്ചക്ക് വീട്ടുവളപ്പിൽ നടക്കും. ഭാര്യ: നിഷ. മകന്‍: അനുനന്ദ്. സഹോദരങ്ങള്‍: രാജീവന്‍, സജിനി, ഗീത, അനിത, ബേബി, സജീവന്‍. പരേതരായ കരുണന്‍റെയും ആലീസിന്‍റെയും മകനാണ്.
Post Your Comments