പത്തനംതിട്ട: എം.സി റോഡിൽ ലോറിയിൽ സ്കൂട്ടറിടിച്ച് യുവാവ് മരിച്ചു. പന്തളം കുരമ്പാല സ്വദേശി അനീഷ് ആണ് മരിച്ചത്. അപകടത്തിൽ ഒരാൾക്ക് ഗുരുതര പരിക്കേൽക്കുകയും ചെയ്തു. അനീഷിനൊപ്പം യാത്ര ചെയ്ത സുധാകരൻ എന്നയാൾക്കാണ് ഗുരുതര പരിക്കേറ്റത്.
ഇന്നലെ രാത്രി 9.30-ഓടെയാണ് അപകടമുണ്ടായത്. പന്തളം ഭാഗത്തു നിന്നും വന്ന സ്കൂട്ടർ കൊട്ടാരക്കര ഭാഗത്തു നിന്നും വരികയായിരുന്ന തടി ലോറിയിൽ ഇടിക്കുകയായിരുന്നു.
പരിക്കേറ്റ സുധാകരൻ പന്തളത്ത് സ്വകാര്യ ആശുപത്രിയിൽ ചികിത്സയിലാണ്. മരിച്ചയാളുടെ മൃതദേഹം പൊലീസ് നടപടികൾക്കും പോസ്റ്റ്മോർട്ടത്തിനും ശേഷം ബന്ധുക്കൾക്ക് കൈമാറി.
Post Your Comments