കിഴക്കമ്പലം: സൗത്ത് വാഴക്കുളം പോസ്റ്റോഫീസ് ജങ്ഷനിലെ വീട്ടിൽ നിന്ന് എം.ഡി.എം.എ യും കഞ്ചാവും പിടികൂടിയ കേസിൽ ഒരാൾ കൂടി അറസ്റ്റിൽ. പോഞ്ഞാശേരി ചെമ്പരത്തിക്കുന്ന് തെക്കേ വായടത്ത് വീട്ടിൽ അജ്മലിനെ(23)യാണ് അറസ്റ്റ് ചെയ്തത്. തടിയിട്ട പറമ്പ് പൊലീസ് ആണ് അറസ്റ്റ് ചെയ്തത്.
Read Also : തൊണ്ടിമുതല്‍ കേസ് അന്വേഷിക്കുന്നതിനെതിരെ മന്ത്രി ആന്റണി രാജു സുപ്രീം കോടതിയില്‍
വീട്ടിൽനിന്ന് 26 ഗ്രാം എം.ഡി.എം.എയും രണ്ട് കിലോ കഞ്ചാവും പിടികൂടിയ കേസിലാണ് അറസ്റ്റ്. മണ്ണൂപറമ്പൻ വീട്ടിൽ മുഹമ്മദ് അസ്ലമിനെ (23) നേരത്തേ അറസ്റ്റ് ചെയ്തിരുന്നു. ഇയാൾക്ക് എം.ഡി.എം.എ എത്തിച്ച് നൽകിയത് അജ്മലാണ്. അന്തർസംസ്ഥാനങ്ങളിൽ നിന്നാണ് മയക്കുമരുന്ന് എത്തിക്കുന്നത്. യുവാക്കളെയും വിദ്യാർത്ഥികളെയും ലക്ഷ്യമിട്ടാണ് ഇവർ മയക്കുമരുന്ന് എത്തിച്ചിരുന്നത്.
ഇൻസ്പെക്ടർ വി.എം. കേഴ്സൺ, എസ്.ഐമാരായ പി.എം. റാസിഖ്, കെ. ഉണ്ണികൃഷ്ണൻ, എ.എസ്.ഐ സി.എം. ഇബ്രാഹിം കുട്ടി, എസ്.സി.പി.ഒമാരായ പി.എസ്. സുനിൽ കുമാർ, കെ.കെ. ഷിബു, സി.പി.ഒ അരുൺ കെ. കരുൺ എന്നിവരാണ് അന്വേഷണ സംഘത്തിലുള്ളത്. പ്രതിയെ കോടതിയിൽ ഹാജരാക്കിയ ശേഷം റിമാൻഡ് ചെയ്തു.
Post Your Comments