നി​ർ​ത്തി​യി​ട്ട കാ​റി​ൽ നിന്ന് മൊബൈൽ മോഷ്ടിച്ചു : പ്രതി പിടിയിൽ

കോ​ഴി​ക്കോ​ട്: പു​തി​യ ബ​സ് സ്റ്റാ​ൻ​ഡി​ന് സ​മീ​പ​ത്ത് നി​ർ​ത്തി​യി​ട്ട കാ​റി​ന്‍റെ ഡോ​ർ തു​റ​ന്ന് കാ​റി​ന​ക​ത്തു​ണ്ടാ​യി​രു​ന്ന 20,000 രൂ​പ വി​ല​വ​രു​ന്ന മൊ​ബൈ​ൽ ഫോ​ൺ മോ​ഷ​ണം ന​ട​ത്തി​യ സംഭവത്തിലെ പ്രതി പിടിയിൽ. മ​ല​പ്പു​റം കൊ​ണ്ടോ​ട്ടി​യി​ൽ മു​തു​വ​ട്ടൂ​ർ പാ​റ​ക്കു​ള​ങ്ങ​ര വീ​ട്ടി​ൽ ജി​ൽ​ഷാ​ദ് (29) ആണ് അ​റ​സ്റ്റി​ലാ​യത്.

മേ​യ് 23ന് ​രാ​ത്രി 11.30-ന് ​പേ​രാ​മ്പ്ര​യി​ലു​ള്ള സ​നൂ​പ് എ​ന്ന​യാ​ളു​ടെ നി​ർ​ത്തി​യി​ട്ട കാ​റി​ൽ ​നി​ന്ന് മൊ​ബൈ​ൽ ഫോ​ൺ മോഷ്ടിച്ച കേസിലാണ് അറസ്റ്റ്. മോഷണം സംബന്ധിച്ച് ന​ട​ക്കാ​വ് സ്റ്റേ​ഷ​നി​ൽ പ​രാ​തി ന​ൽ​കി​യി​രു​ന്നു. തുടർന്ന്, പൊലീസ് നടത്തിയ അന്വേഷണത്തിൽ പ്രതിയെ പിടികൂടുകയായിരുന്നു.

Read Also : സ്മാർട്ട്ഫോൺ വിപണിയിൽ ചുവടുകൾ ശക്തമാക്കാൻ ജിയോ എത്തുന്നു, 5ജി ഹാൻഡ്സെറ്റ് ഉടൻ അവതരിപ്പിക്കാൻ സാധ്യത

മ​യ​ക്കു​മ​രു​ന്ന് ഉ​പ​യോ​ഗ​ത്തി​നും ആ​ർ​ഭാ​ട​മാ​യി ജീ​വി​ക്കു​ന്ന​തി​നും വേ​ണ്ടി​യു​ള്ള പ​ണം ക​ണ്ടെ​ത്തു​ന്ന​തി​നു​വേ​ണ്ടി​യാ​ണ് മോ​ഷ​ണം ന​ട​ത്തു​ന്ന​തെ​ന്ന് പ്ര​തി പ​റ​ഞ്ഞു. മ​ല​പ്പു​റം, കോ​ഴി​ക്കോ​ട് ജി​ല്ല​ക​ളി​ൽ നി​ര​വ​ധി കേ​സു​ക​ളി​ൽ പ്ര​തി​യാ​ണ്. സി.​സി.​ടി.​വി ദൃ​ശ്യ​ങ്ങ​ൾ നി​ന്നു​മാ​ണ് ഇ​യാ​ളെ തി​രി​ച്ച​റിഞ്ഞത്. പൊ​ലീ​സി​നെ ക​ബ​ളി​പ്പി​ച്ച് എ​റ​ണാ​കു​ളം, കോ​യ​മ്പ​ത്തൂ​ർ ഭാ​ഗ​ങ്ങ​ളി​ൽ ക​റ​ങ്ങി​ന​ട​ന്ന പ്ര​തി കോ​ഴി​ക്കോ​ടെ​ത്തി​യ​പ്പോ​ൾ സൈ​ബ​ർ സെ​ല്ലി​ന്‍റെ സ​ഹാ​യ​ത്തോ​ടെ ന​ട​ക്കാ​വ് പൊ​ലീ​സ് അ​റ​സ്റ്റ് ചെ​യ്യു​ക​യാ​യി​രു​ന്നു.

സി.​ഐ ജി​ജീ​ഷ്, സ​ബ് ഇ​ൻ​സ്പെ​ക്ട​ർ​മാ​രാ​യ ബി​നു​മോ​ഹ​ൻ, ബാ​ബു പു​തു​ശ്ശേ​രി, എ.​എ​സ്.​ഐ ര​ജി​ത, സീ​നി​യ​ർ സി​വി​ൽ പൊ​ലീ​സ് ഓ​ഫീസ​ർ​മാ​രാ​യ എം.​വി. ശ്രീ​കാ​ന്ത്, സി. ​ഹ​രീ​ഷ് കു​മാ​ർ, ബ​ബി​ത്ത് കു​റി​മ​ണ്ണി​ൽ, കോ​ഴി​ക്കോ​ട് സ്ക്വാ​ഡി​ലെ പൊ​ലീ​സു​കാ​രാ​യ സു​മേ​ഷ് ആ​റോ​ളി, രാ​ഗേ​ഷ് ചൈ​ത​ന്യം എ​ന്നി​വ​രാ​ണ് അ​ന്വേ​ഷ​ണ സം​ഘ​ത്തി​ലു​ണ്ടാ​യി​രു​ന്ന​ത്. കോ​ട​തി​യി​ൽ ഹാ​ജ​രാ​ക്കി​യ പ്രതിയെ റി​മാ​ൻ​ഡ് ചെ​യ്തു.