കൊൽക്കത്ത: സ്വർണ്ണ ബിസ്‌ക്കറ്റുമായി ഒരാൾ അറസ്റ്റിൽ. പശ്ചിമ ബംഗാളിലാണ് സംഭവം. 57 ലക്ഷം രൂപയുടെ സ്വർണ ബിസ്‌ക്കറ്റ് കടത്താൻ ശ്രമിച്ചയാളാണ് അറസ്റ്റിലായത്. 57 ലക്ഷം രൂപ വിലമതിക്കുന്ന 933 ഗ്രം ഭാരമുള്ള എട്ട് സ്വർണ്ണ ബിസ്‌ക്കറ്റുകളാണ് പ്രതിയിൽ നിന്നും പിടികൂടിയത്. ഇന്ത്യ- ബംഗ്ലാദേശ് അതിർത്തി വഴി സ്വർണം കടത്താനായിരുന്നു ശ്രമം.
അതിർത്തി രക്ഷാ സേനയാണ് പ്രതിയെ അറസ്റ്റ് ചെയ്തത്. മുർഷിദാബാദ് സ്വദേശിയായ അനികുൽ ഇസ്ലാമാണ് അറസ്റ്റിലായത്. സൈക്കിളിന്റെ ടയറിനകത്ത് ഒളിപ്പിച്ച നിലയിലാണ് സ്വർണം കണ്ടെത്തിയത്. അതിർത്തിയിൽ അനധികൃത സ്വർണകടത്ത് നടക്കുന്നുണ്ടെന്ന രഹസ്യ വിവരം അതിർത്തി രക്ഷാ സേനയ്ക്ക് ലഭിച്ചിരുന്നു.
കർഷകന്റെ വേഷത്തിൽ ഒരു യുവാവ് സ്വർണ ബിസ്‌ക്കറ്റുമായി അതിർത്തി കടക്കും എന്നാണ് അതിർത്തി സേനയ്ക്ക് ലഭിച്ച രഹസ്യ വിവരം.
Post Your Comments