‘യൂണീഫോമിൽ തന്നെ കാണാൻ വല്ലാത്ത ഫീലാ, ക്ലാസിൽ കയറാൻ പെൺകുട്ടികൾക്ക് ഭയം’; അധ്യാപകൻ ബെന്നി അഴിയെണ്ണുമ്പോൾ

എറണാകുളം: പ്രായപൂർത്തിയാകാത്ത ഏഴോളം പെൺകുട്ടികളെ ലൈംഗികമായി ദുരുപയോഗം ചെയ്ത കേസിൽ അധ്യാപകന് കോടതി 29 വ​ര്‍​ഷം ക​ഠി​ന​ത​ട​വും ര​ണ്ട​ര ല​ക്ഷം രൂ​പ പി​ഴ​യും വിധിച്ച സംഭവത്തിൽ കൂടുതൽ വിവരങ്ങൾ പുറത്ത്. ര​ണ്ട് സ്‌​കൂ​ളു​ക​ളി​ലാ​യി ഏ​ഴു വി​ദ്യാ​ര്‍​ത്ഥി​ക​ളെ ലൈം​ഗി​ക ചൂ​ഷ​ണ​ത്തി​നി​ര​യാ​ക്കിയെന്ന കേസിലാണ് അൻപതുകാരനായ ന​ട​മു​റി മ​ഞ്ഞ​പ്ര​യി​ലെ പ​ല​ട്ടി ബെ​ന്നി പോ​ളി​നെ (50) പെ​രി​ന്ത​ല്‍​മ​ണ്ണ അ​തി​വേ​ഗ പ്ര​ത്യേ​ക കോ​ട​തി ജ​ഡ്ജി കെ ​പി അ​നി​ല്‍​കു​മാ​ര്‍ ശി​ക്ഷി​ച്ച​ത്.

ക്ലാസ് എടുക്കുന്നതിനിടെ പ്രായപൂര്‍ത്തിയാകാത്ത കുട്ടികളെ തൻ്റെ ലൈംഗിക മോഹങ്ങൾക്ക് അധ്യാപകൻ വിധേയനാക്കുകയായിരുന്നു. പെൺകുട്ടികൾക്ക് തെറ്റുകൾ തിരുത്തി നൽകുന്നുവെന്ന വ്യജേന കുട്ടികളുടെ ശരീര ഭാഗങ്ങളിൽ നുള്ളുക, യൂണീഫോമിൽ തന്നെ കാണാൻ വല്ലാത്ത ഫീലാണെന്ന് പറയുക എന്നിങ്ങനെ പോകുന്നു ഇയാൾക്കെതിരെ കുട്ടികൾ നൽകിയ പരാതികൾ. ഇയാളുടെ ക്ലാസിലിരിക്കാൻ പെൺകുട്ടികൾക്ക് ഭയമാണെന്നുള്ള റിപ്പോർട്ടുകളും നേരത്തെ പുറത്തു വന്നിരുന്നു.

Also Read:കാൻസർ സ്ഥിരീകരിച്ച് 24 മണിക്കൂറിനകം 16 കാരന് മരണം; കായികതാരത്തിന്റെ മരണത്തിൽ ഞെട്ടൽ

2017 ലാണ് കേസിനാസ്പദമായ സംഭവങ്ങൾ നടന്നത്. പ്രാ​യ​പൂ​ര്‍​ത്തി ആ​കാ​ത്ത കു​ട്ടി​ക​ൾക്ക് നേരെ ക്ലാസ്മുറിയിൽ വെച്ച് ഇയാൾ ലൈം​ഗി​ക അതിക്രമം നടത്തിയിരുന്നു. കൂടാതെ ക്ലാ​സ്സ് എ​ടു​ക്കു​ന്ന സ​മ​യം പ​ല ദി​വ​സ​ങ്ങ​ളി​ലാ​യി ശ​രീ​ര​ത്തി​ല്‍ പി​ടി​ച്ചും ഉ​ര​സി​യും ഇയാൾ പെൺകുട്ടികളോട് മോശമായി പെരുമാറി. ഇയാൾക്കെതിരെ പരാതി നിലനിൽക്കുന്ന സമയം തന്നെയാണ് മറ്റൊരു സ്‌കൂളിൽ ഇയാളെ പരീക്ഷാ ഡ്യൂട്ടിക്ക് നിയമിച്ചത്. പരീക്ഷാ ഡ്യൂട്ടിക്ക് പോയ സ്കൂളിൽ വെച്ച് പെൺകുട്ടികളുടെ ദേഹത്ത് മാത്രം ഇയാൾ തുണ്ട് പരിശോധന നടത്തിയതും പ്രതിഷേധങ്ങൾക്ക് കാരണമായി.

2017ല്‍ ​പെ​രി​ന്ത​ല്‍​മ​ണ്ണ പോ​ലീ​സ് എ​ടു​ത്ത കേ​സു​ക​ളി​ല്‍ ആ​ണ് ശി​ക്ഷ. ഒ​രു കേ​സി​ല്‍ വി​വി​ധ വ​കു​പ്പു​ക​ളി​ലാ​യി യ​ഥാ​ക്ര​മം 5, 2 ,6 വ​ര്‍​ഷ​ങ്ങ​ളി​ലാ​യി ആ​കെ 13 വ​ര്‍​ഷം ക​ഠി​ന​ത​ട​വും ഒ​രു ല​ക്ഷ​ത്തി മു​പ്പ​തി​നാ​യി​രം രൂ​പ പി​ഴ​യു​മാ​ണ് ശി​ക്ഷ. പി​ഴ അ​ട​ച്ചി​ല്ലെ​ങ്കി​ല്‍ ഒ​ന്ന്, ര​ണ്ട്, മൂ​ന്ന് വ​ര്‍​ഷം എ​ന്നി​ങ്ങ​നെ വെ​റും ത​ട​വ് അ​നു​ഭ​വി​ക്ക​ണം. മ​റ്റൊ​രു കേ​സി​ല്‍ 16 വ​ര്‍​ഷം ക​ഠി​ന​ത​ട​വും ഒ​രു ല​ക്ഷ​ത്തി ഇ​രു​പ​തി​നാ​യി​രം രൂ​പ പി​ഴ​യും ആ​ണ് വി​ധി​ച്ച​ത്. പി​ഴ​ത്തു​ക ഇ​ര​ക​ളാ​യ കു​ട്ടി​ക​ള്‍​ക്ക് ന​ല്‍​കും.