ലോകത്തിലെ 20 ആഡംബര ഹോട്ടലുകളുടെ പട്ടികയിൽ കേരളത്തിൽ നിന്നുള്ള ഹോട്ടലും ഇടം നേടി. തിരുവനന്തപുരത്തെ ലീല കോവളം റാവിസ് ആണ് പട്ടികയിൽ ഇടം നേടിയ ഹോട്ടൽ. എട്ടാം സ്ഥാനമാണ് ലീല കോവളം റാവിസ് ഹോട്ടലിന് ഉള്ളത്. അന്താരാഷ്ട്ര യാത്രാ മാഗസിനായ ട്രാവൽ ആൻഡ് ലീഷറാണ് ആഡംബര ഹോട്ടലുകളുടെ പട്ടിക തയ്യാറാക്കിയത്. ഇന്ത്യയിൽ നിന്നും പട്ടികയിൽ ഇടം നേടിയ ഏക ഹോട്ടൽ എന്ന സവിശേഷതയും ലീല കോവളം റാവിസിന് സ്വന്തമാണ്.
കോവളം കടൽത്തീരത്തെ പാറക്കെട്ടിന് മുകളിലാണ് ഈ ഹോട്ടൽ സ്ഥിതി ചെയ്യുന്നത്. അതിനാൽ, കടലിന്റെ സൗന്ദര്യം പൂർണമായും ആസ്വദിക്കാൻ സഞ്ചാരികൾക്ക് സാധിക്കുന്നതാണ്. കോവളത്തിന്റെ തീരമനോഹാരിത അൽപം പോലും ചോർന്നു പോകാതെയാണ് ഇവയുടെ നിർമ്മാണമെന്ന് ട്രാവൽ ആൻഡ് ലീഷർ വ്യക്തമാക്കി. പ്യൂർട്ടോ റിക്കോയിലെ കോണ്ടാഡോ ഓഷ്യൻ ക്ലബ്ബാണ് പട്ടികയിൽ ഒന്നാം സ്ഥാനത്ത് എത്തിയത്. തൊട്ടുപിന്നിലായി യുഎസിലെ ബിഗ് സെഡാർ ലോഡ്ജ് രണ്ടാം സ്ഥാനം സ്വന്തമാക്കി.
Post Your Comments