ആലപ്പുഴ: ആലപ്പുഴ ബൈപ്പാസിൽ വാഹനാപകടം. സ്‌കൂട്ടറും കാറുമായി കൂട്ടിയിടിച്ചാണ് അപകടം ഉണ്ടായത്. അപകടത്തിൽ സ്‌കൂട്ടർ യാത്രികയായ അദ്ധ്യാപിക മരിച്ചു. ആലപ്പുഴ സനാതനപുരം വാർഡിൽ കാർത്തികയിൽ മാലാ ശശിയാണ് മരിച്ചത്. 48 വയസായിരുന്നു. മാതാ സീനിയർ സെക്കണ്ടറി സ്‌കൂളിലെ സയൻസ് അധ്യാപികയാണ് മാല.
സ്‌കൂളിൽ നിന്നും തിരികെ വീട്ടിലേക്ക് സ്‌കൂട്ടറിൽ വരികയായിരുന്നു ഇവർ. ഇതിനിടെയാണ് അപകടം നടന്നത്. അപകടത്തിൽ തലയ്ക്ക് ഗുരുതരമായി പരിക്കേറ്റ ഇവരെ ഉടൻ തന്നെ വണ്ടാനം മെഡിക്കൽ കോളേജിൽ എത്തിച്ചെങ്കിലും ജീവൻ രക്ഷിക്കാൻ കഴിഞ്ഞില്ല.
Read Also: ‘നെഞ്ചു വിരിച്ച് ആണൊരുത്തൻ ഇതു പോലെ നടന്നാൽ തീരാവുന്നതേയുള്ളൂ കേരളത്തിലെ സുരക്ഷാ ഭീഷണിയൊക്കെ’
Post Your Comments