ട്രെ​യി​ൻ മാ​ർ​ഗം ക​ഞ്ചാ​വ് ക​ട​ത്ത് : ഒളിവിൽ പോയ യുവാവ് അറസ്റ്റിൽ

നി​ല​മ്പൂ​ർ: ആ​ന്ധ്ര​യി​ൽ​ നി​ന്ന് ട്രെ​യി​ൻ മാ​ർ​ഗം നി​ല​മ്പൂ​രി​ലേ​ക്ക് ക​ഞ്ചാ​വ് ക​ട​ത്തി​യ കേ​സി​ൽ ഒ​രാ​ൾ​കൂ​ടി പൊലീസ് പിടിയിൽ. തൃ​ത്താ​ല ഉ​ള്ള​ന്നൂ​ർ സ്വ​ദേ​ശി ത​ട​ത്തി​ൽ ശ്രീ​ജി​ത്തി​നെ​യാ​ണ് (26) അറസ്റ്റ് ചെയ്തത്.

നി​ല​മ്പൂ​ർ ഡി​വൈ.​എ​സ്.​പി സാ​ജു കെ. ​അ​ബ്ര​ഹാ​മി​ന്‍റെ നി​ർ​ദേ​ശ​പ്ര​കാ​രം നി​ല​മ്പൂ​ർ ഇ​ൻ​സ്പെ​ക്ട​ർ പി. ​വി​ഷ്ണു ആണ് അ​റ​സ്റ്റ് ചെ​യ്ത​ത്. ഒ​ക്ടോ​ബ​ർ ഏ​ഴി​ന് 14 കി​ലോ ക​ഞ്ചാ​വു​മാ​യി എ​ട​ക്ക​ര സ്വ​ദേ​ശി തെ​ക്ക​ര​തൊ​ടി​ക മു​ഹ​മ്മ​ദ് സ്വാ​ലി​ഹി​നെ അ​റ​സ്റ്റ് ചെ​യ്തി​രു​ന്നു. ട്രെ​യി​ൻ മാ​ർ​ഗ​മാ​ണ് ക​ഞ്ചാ​വ് എ​ത്തി​ച്ച​തെ​ന്നും ശ്രീ​ജി​ത്തി​ന് വേ​ണ്ടി​യാ​ണ് കൊ​ണ്ടു​വ​ന്ന​തെ​ന്നു​മാ​യി​രു​ന്നു ഇ​യാ​ളു​ടെ മൊ​ഴി.

Read Also : സംസ്ഥാനത്ത് വേനലവധിക്ക് ശേഷം സ്‌കൂള്‍ തുറക്കുന്ന തിയതി പ്രഖ്യാപിച്ച് മന്ത്രി വി.ശിവന്‍കുട്ടി

ശ്രീ​ജി​ത്താ​യി​രു​ന്നു സ്വാ​ലി​ഹി​ന് ക​ഞ്ചാ​വ് വാ​ങ്ങാ​നാ​വ​ശ്യ​മാ​യ പ​ണം ന​ൽ​കി​യ​ത്. ഇ​രു​വ​രും ജ​യി​ലിൽ വെച്ചാ​ണ് പ​രി​ച​യ​പ്പെ​ട്ട​ത്. സ്വാ​ലി​ഹി​ന്‍റെ അ​റ​സ്റ്റ് വി​വ​രം അ​റി​ഞ്ഞ് ശ്രീ​ജി​ത്ത് ചെ​ന്നൈ​യി​ൽ ഒ​ളി​വി​ൽ ക​ഴി​യു​ക​യാ​യി​രു​ന്നു. മു​ൻ​കൂ​ർ ജാ​മ്യാ​പേ​ക്ഷ ന​ൽ​കി​യി​രു​ന്നെ​ങ്കി​ലും മ​ഞ്ചേ​രി കോ​ട​തി ത​ള്ളി​യി​രു​ന്നു. നാ​ട്ടി​ലെ​ത്തി​യ പ്ര​തി​യെ തൃ​ത്താ​ല​യി​ലു​ള്ള ബ​ന്ധു​വീ​ട്ടി​ൽ​ നി​ന്നാ​ണ് പി​ടി​കൂ​ടി​യ​ത്. ര​ണ്ട് മാ​സ​ത്തി​നു​ശേ​ഷം ജാ​മ്യ​ത്തി​ലി​റ​ങ്ങി​യ സ്വാ​ലി​ഹ് വീ​ണ്ടും 22 കി​ലോ ക​ഞ്ചാ​വു​മാ​യി പി​ടി​ക്ക​പ്പെ​ട്ട് ഇ​പ്പോ​ൾ ആ​ന്ധ്ര ജ​യി​ലി​ലാ​ണ്.

ഡാ​ൻ​സാ​ഫ് അം​ഗ​ങ്ങ​ളാ​യ എ​ൻ.​പി. സു​നി​ൽ, അ​ഭി​ലാ​ഷ് കൈ​പ്പി​നി, ആ​ഷി​ഫ് അ​ലി, നി​ബി​ൻ​ദാ​സ്, ജി​യോ ജേ​ക്ക​ബ്, പ്രി​ൻ​സ് എ​ന്നി​വ​രാ​ണ് പ്ര​തി​യെ പി​ടി​കൂ​ടി തു​ട​ര​ന്വേ​ഷ​ണം ന​ട​ത്തു​ന്ന​ത്. പ്രതിയെ കോടതിയില‍ ഹാജരാക്കി.