ഐ​സ്ക്രീം ​ക​ച്ച​വ​ടം ന​ട​ത്തു​ന്ന സ്ത്രീ​യെ ആ​ക്ര​മി​ച്ച കേസ് : നാലുപേർ അറസ്റ്റിൽ

പൂ​വാ​ർ: പൂ​വാ​ർ പൊ​ഴി​ക്ക​ര​യി​ൽ ഐ​സ്ക്രീം ​ക​ച്ച​വ​ടം ന​ട​ത്തു​ന്ന സ്ത്രീ​യെ ആ​ക്ര​മി​ച്ച കേ​സി​ലെ നാലുപേ​ർ അറസ്റ്റിൽ. പൂ​വാ​ർ എ​രി​ക്ക​ലു​വി​ള പു​ര​യി​ട​ത്തി​ൽ സെ​ർ​ലിം​ഗ് മ​ക​ൻ ജോ​ൺ പോ​ൾ (36), പൂ​വാ​ർ ച​ന്ത​വി​ള പു​ര​യി​ട​ത്തി​ൽ അ​ൽ​ഫോ​ൻ​സ് മ​ക​ൻ റോ​ബി​ൻ(36), പൂ​വാ​ർ എ​രി​ക്ക​ലു​വി​ള പു​ര​യി​ട​ത്തി​ൽ സ​ലോ​മി മ​ക​ൻ സോ​ള​മ​ൻ(42), പൂ​വാ​ർ ച​ന്ത​വി​ള പു​ര​യി​ട​ത്തി​ൽ ഡേ​വി​ഡ് മ​ക​ൻ മാ​ർ​ട്ടി​ൻ(34) എ​ന്നി​വ​രാ​ണ് അ​റ​സ്റ്റി​ലാ​യ​ത്. പൂ​വാ​ർ പൊലീ​സ് ആണ് ഇവരെ അ​റ​സ്റ്റ് ചെ​യ്തത്.

Read Also : പേസ്മേക്കർ അടക്കമുള്ള ജീവന്‍രക്ഷാ ഉപകരണങ്ങള്‍ ഘടിപ്പിച്ചവർ സൂക്ഷിക്കുക, ഐഫോൺ പണി തന്നേക്കും: മുന്നറിയിപ്പ്

പൂ​വാ​ർ ഇഎംഎ​സ് കോ​ള​നി സ്വ​ദേ​ശി​യാ​യ സ്ത്രീയെ ആണ് ഇവർ ആക്രമിച്ചത്. സ്ത്രീ ​ഐ​സ്ക്രീം ​പെ​ട്ടി​യു​ള്ള ഗു​ഡ്സ് ആ​ട്ടോ​യി​ൽ ബീ​ച്ചി​ൽ നി​ന്നും എ​രി​ക്ക​ലു​വി​ള ഭാ​ഗ​ത്തേ​യ്ക്കു യാ​ത്ര ചെ​യ്ത് വ​രു​മ്പോ​ഴാ​ണ് പു​റ​കെ പി​ൻ​തു​ട​ർ​ന്ന് ആ​ക്ര​മി​ച്ച​തെ​ന്ന് പൊലീ​സി​ൽ ന​ൽ​കി​യ പരാതിയിൽ പറയുന്നു.

വാ​ഹ​ന​ത്തി​ൽ ഉ​ണ്ടാ​യി​രു​ന്ന സ​ഹാ​യി​യ്ക്കും മ​ർ​ദ്ദ​ന​മേ​റ്റിട്ടുണ്ട്. ബ​ഹ​ളംകേ​ട്ട് ഓ​ടി കൂ​ടി​യ​വ​രെ​യും ഇ​വ​ർ ആ​ക്ര​മി​ച്ച​താ​യാ​ണ് ദൃ​ക്സാ​ക്ഷി​ക​ൾ പ​റ​യു​ന്ന​ത്. പ്ര​തി​ക​ളെ കോ​ട​തിയിൽ ഹാജരാക്കിയ ശേഷം​ റി​മാ​ൻ​ഡ് ചെ​യ്തു.