ന്യൂഡൽഹി: കോൺഗ്രസ് പരിപാടിക്കിടെ സ്റ്റേജ് തകർന്നുവീണു. ഛത്തീസ്ഗഡിലെ ബിലാസ്പുറിലാണ് സംഭവം. കോൺഗ്രസ് നേതാവ് രാഹുൽ ഗാന്ധിയെ എം പി സ്ഥാനത്ത് നിന്ന് അയോഗ്യനാക്കിയതിനെതിരെ സംഘടിപ്പിച്ച ‘ടോർച്ച് റാലി’ പ്രതിഷേധ പരിപാടിക്കിടെയാണ് സ്റ്റേജ് തകർന്നു വീണത്. സ്റ്റേജ് തകർന്ന് നേതാക്കളും പ്രവർത്തകരും താഴെ വീഴുകയായിരുന്നു.
വേദിയിൽ ഉൾക്കൊള്ളാവുന്നതിലും കൂടുതൽ ആളുകൾ അവിടെ ഉണ്ടായിരുന്നുവെന്നും ഇതാണ് സ്റ്റേജ് തകർന്നു വീഴാൻ കാരണമെന്നുമാണ് പുറത്തു വരുന്ന വിവരം. വേദിയിലുണ്ടായിരുന്നവരിൽ ആർക്കും സാരമായ ആർക്കും പരിക്കേറ്റിട്ടില്ലെന്നാണ് റിപ്പോർട്ട്. സ്റ്റേജ് തകർന്നുവീഴുന്നതിന്റെ ദൃശ്യങ്ങൾ സമൂഹമാധ്യമങ്ങളിൽ പ്രചരിക്കുന്നുണ്ട്. വേദിയ്ക്ക് പിന്നിൽ കെട്ടിയ ബാനറും പ്ലക്കാർഡുകളും തകർന്നുവീഴുന്നതും ദൃശ്യങ്ങളിൽ വ്യക്തമാണ്.
Post Your Comments