കൊച്ചി: ഏഴ്‌ കിലോ കഞ്ചാവുമായി ബംഗാൾ സ്വദേശികൾ പൊലീസ് പിടിയിൽ. ഇർഫാൻ ആലം (21), സാദിഖ്‌ ആലം (26) എന്നിവരെയാണ്‌ അറസ്റ്റ് ചെയ്തത്. നോർത്ത്‌ പൊലീസ് ആണ് ഇവരെ പിടികൂടിയത്.
നോർത്ത്‌ റെയിൽവേ സ്‌റ്റേഷന്‌ സമീപത്തെ ലോഡ്‌ജിലായിരുന്നു പ്രതികൾ താമസിച്ചിരുന്നത്. രഹസ്യവിവരം ലഭിച്ചതിന്റെ അടിസ്ഥാനത്തിൽ ലോഡ്‌ജിൽ നടത്തിയ പരിശോധനയിലാണ് ഇവർ പിടിയിലായത്. ഇരുവരും താമസിച്ച മുറിയിലെ കട്ടിലിനടിയിൽ ഒളിപ്പിച്ച ബാഗിലായിരുന്നു കഞ്ചാവ് പൊതികളായി സൂക്ഷിച്ചിരുന്നത്. വർഷങ്ങളായി ഇവർ എറണാകുളത്താണ്‌ താമസിച്ചിരുന്നത്. നാട്ടിൽ നിന്ന് ട്രെയിൻ മാർഗം കഞ്ചാവെത്തിച്ച്‌ നഗരത്തിലെ ആവശ്യക്കാർക്ക്‌ വിൽക്കുന്നതാണ്‌ ഇവരുടെ പതിവ്.
അറസ്റ്റിലായവരെ കോടതിയിൽ ഹാജരാക്കി.
Post Your Comments