കഞ്ചാവുമായി റി​ട്ട. പൊ​ലീ​സ് ഉ​ദ്യോ​ഗ​സ്ഥ​ന്‍റെയും അ​ഭി​ഭാ​ഷ​കയുടെയും മക്കളടക്കം 3 നി​യ​മ വി​ദ്യാ​ർ​ത്ഥി​ക​ൾ അറസ്റ്റിൽ

തൊ​ടു​പു​ഴ: ലോ​ഡ്ജ് മു​റി​യി​ൽ​ നി​ന്നു ക​ഞ്ചാ​വ് പൊ​തി​ക​ളു​മാ​യി മൂ​ന്നു നി​യ​മ വി​ദ്യാ​ർ​ത്ഥി​ക​ൾ പൊലീസ് പി​ടി​യി​ൽ. ചേ​ർ​ത്ത​ല കു​ത്തി​യ​തോ​ട് ശ്രീ​രാ​ഗ​ത്തി​ൽ ശ്രീ​രാ​ഗ് രാ​ജു (23), ക​രു​നാ​ഗ​പ്പ​ള്ളി തേ​വ​ല​ക്ക​ര കോ​യി​വി​ള ഷെ​ജീ​ർ ഷെ​രീ​ഫ് (23), തൃ​ശൂ​ർ വ​ര​ന്ത​ര​പ്പി​ള്ളി മു​ല്ല​പ്പ​ള്ളി ജീ​വ​ൻ ര​മേ​ശ് (23) എ​ന്നി​വ​രെ​യാ​ണ് അറസ്റ്റ് ചെയ്തത്.

വ്യാ​ഴാ​ഴ്ച രാ​ത്രിയാണ് സംഭവം. പൊലീ​സി​നു ല​ഭി​ച്ച ര​ഹ​സ്യ​വി​വ​ര​ത്തെ​ത്തു​ട​ർ​ന്ന് വെ​ങ്ങ​ല്ലൂ​ർ മ​ത്സ്യ​മാ​ർ​ക്ക​റ്റി​നു സ​മീ​പ​ത്തെ ലോ​ഡ്ജി​ൽ​ നി​ന്നാ​ണ് സ്വ​കാ​ര്യ ലോ ​കോ​ള​ജി​ലെ മൂ​ന്നു നി​യ​മ​വി​ദ്യാ​ർ​ത്ഥി​ക​ൾ പി​ടി​യി​ലാ​യ​ത്. തൊ​ടു​പു​ഴ ഡി​വൈ​എ​സ്പി എം.​ആ​ർ. മ​ധു​ബാ​ബു​വി​ന്‍റെ നേ​തൃ​ത്വ​ത്തി​ൽ ആണ് ഇവരെ പിടികൂടിയത്. ക​ഞ്ചാ​വ് പൊ​തി​ക​ളാ​ക്കി വി​ദ്യാ​ർത്ഥി​ക​ൾ​ക്ക് വി​ല്പ​ന ന​ട​ത്തു​ക​യാ​യി​രു​ന്നു ഇ​വ​ർ ചെ​യ്തി​രു​ന്ന​തെ​ന്ന് പൊ​ലീ​സ് പ​റ​ഞ്ഞു.

Read Also : അ​തി​ർ​ത്തി​ത​ർ​ക്കം, അ​യ​ൽ​വാ​സി​യെ വെ​ട്ടി പ​രി​ക്കേ​ൽ​പി​ച്ച ശേഷം ഒളിവിൽപോയി : പ്രതി അറസ്റ്റിൽ

ഇവരിൽ നിന്ന് ആ​റു പൊ​തി​ക​ളി​ലാ​യി 14 ഗ്രാം ​ക​ഞ്ചാ​വ് പി​ടി​ച്ചെ​ടു​ത്തു. ഒ​രു പൊ​തി ക​ഞ്ചാ​വി​ന് 1,500 രൂ​പ നി​ര​ക്കി​ലാ​ണ് വി​ല്പ​ന ന​ട​ത്തി​യി​രു​ന്ന​ത്. പ്ര​തി​ക​ളി​ൽ ഒ​രാ​ൾ റി​ട്ട. പോ​ലീ​സ് ഉ​ദ്യോ​ഗ​സ്ഥ​ന്‍റെ മ​ക​നും ഒ​രാ​ൾ അ​ഭി​ഭാ​ഷ​ക​യു​ടെ മ​ക​നു​മാ​ണ്. സാമ്പ​ത്തി​ക​മാ​യി മെ​ച്ച​പ്പെ​ട്ട കു​ടും​ബ​പ​ശ്ചാ​ത്ത​ല​ത്തി​ൽ​ നി​ന്നു​ള്ള​വ​രാ​ണ് ഇ​വ​രെ​ന്നും ആ​ഢം​ബ​ര​ജീ​വി​തം ന​യി​ക്കാ​നാ​ണ് ല​ഹ​രി​ക്ക​ച്ച​വ​ടം ന​ട​ത്തി​വ​ന്ന​തെ​ന്നും പൊലീ​സ് പ​റ​ഞ്ഞു. ഇവരെ കോടതിയിൽ ഹാജരാക്കി.