കുമരകം: വീട്ടുകാരെ കുരുമുളകുപൊടി സ്പ്രേ ഉപയോഗിച്ച് ആക്രമിച്ച കേസിലെ രണ്ടുപേർ അറസ്റ്റിൽ. അയ്യമ്മാത്ര പാലത്തറ പി.എസ്. ഷിജു (45), ചെങ്ങളം മൂന്നുമൂല മറുതാപറമ്പിൽ മഹേഷ് കുമാർ (47) എന്നിവരെയാണ് അറസ്റ്റ് ചെയ്തത്. കുമരകം പൊലീസ് ആണ് ഇവരെ അറസ്റ്റ് ചെയ്തത്.
Read Also : അമേരിക്കൻ ബാങ്കിംഗ് മേഖലയിലെ തകർച്ച ഇന്ത്യയിൽ ആഘാതം സൃഷ്ടിക്കില്ലെന്ന് ആർബിഐ ഗവർണർ, കൂടുതൽ വിവരങ്ങൾ അറിയാം
ചെങ്ങളം അയ്യമ്മാത്ര പാലത്തിനു സമീപത്ത് ആണ് സംഭവം. ഇവർ ഇരുവരും ചേർന്ന് അയ്യമ്മാത്ര പാലത്തിനു സമീപത്തുള്ള ശ്രീരാഗിനെയും കുടുംബത്തെയും ആക്രമിക്കുകയായിരുന്നു. ഇവരുടെ വീടിന് മുൻവശത്തുവച്ച് പ്രതികൾ ചീത്ത വിളിച്ചത് ശ്രീരാഗിന്‍റെ അമ്മ ചോദ്യം ചെയ്യുകയും തുടർന്ന് ഇവർ അമ്മയെ ചീത്തവിളിക്കുകയും ആക്രമിക്കുകയും ചെയ്തു. ഇത് തടയാൻ ചെന്ന ശ്രീരാഗിനെയും സഹോദരനെയും കൈയിൽ കരുതിയ മുളകുപൊടി സ്പ്രേയും മറ്റും ഉപയോഗിച്ച് ആക്രമിക്കുകയായിരുന്നു.
വീട്ടുകാരുടെ പരാതിയുടെ അടിസ്ഥാനത്തിൽ കുമരകം പൊലീസ് കേസ് രജിസ്റ്റർ ചെയ്യുകയും ജില്ലാപൊലീസ്‌ മേധാവി കെ. കാര്‍ത്തിക്കിന്‍റെ നേതൃത്വത്തിലുള്ള അന്വേഷണ സംഘം അക്രമികളെ പിടികൂടുകയുമായിരുന്നു. ഇവരില്‍ ഒരാളായ ഷിജുവിന് കുമരകം സ്റ്റേഷനില്‍ പൊലീസ് ഉദ്യോഗസ്ഥരെ ആക്രമിച്ച കേസ് നിലവിലുണ്ട്. അറസ്റ്റിലായവരെ കോടതിയിൽ ഹാജരാക്കി.
Post Your Comments