തിരുവനന്തപുരം: മുഖ്യമന്ത്രി പിണറായി വിജയനെതിരെ രൂക്ഷവിമർശനവുമായി പ്രതിപക്ഷനേതാവ് വിഡി സതീശൻ രംഗത്ത്. അഹങ്കാരത്തിലും ധാർഷ്ട്യത്തിലും ധിക്കാരത്തിലും നരേന്ദ്ര മോദിക്കുമപ്പുറം പോയി സ്റ്റാലിൻ ആകാനുള്ള ശ്രമത്തിലാണ് മുഖ്യമന്ത്രി പിണറായി വിജയനെന്ന് വിഡി സതീശൻ പറഞ്ഞു.
നിയമസഭയിൽ അടിയന്തര പ്രമേയ നോട്ടീസ് പോലും അനുവദിക്കില്ലെന്ന ധിക്കാരമാണ് പിണറായിക്കെന്നും ചോദ്യങ്ങളെയും സംവാദങ്ങളെയും പിണറായി ഭയക്കുകയാണെന്നും സതീശൻ കൂട്ടിച്ചേർത്തു.
സൈനിക ഹെലികോപ്റ്റർ തകർന്നുവീണുണ്ടായ അപകടം: രണ്ടു പൈലറ്റുമാരും മരിച്ചതായി സ്ഥിരീകരിച്ച് സൈന്യം
‘വടിവാളുകൾക്കിടയിലൂടെ നടന്നുവെന്നും എന്നോട് കളിക്കേണ്ട, ജനുസ്സ് വേറെയാണെന്നും പറയുന്ന മുഖ്യമന്ത്രി രണ്ട് യൂത്ത് കോൺഗ്രസുകാരെ കാണുമ്പോൾ ആയിരം പൊലീസുകാർക്കിടയിൽ ഒളിക്കുകയാണ്. വടിവാളുകൾക്കിടയിലൂടെ നടന്നുവെന്ന് കേൾക്കുകയല്ലാതെ ആളെ കാണുന്നില്ല. പഴയ വിജയനാണെങ്കിൽ കാണിച്ചുതരുമായിരുന്നു എന്നാണ് അദ്ദേഹത്തിന്‍റെ വിരട്ടൽ. പ്രതിപക്ഷത്തിന് പുതിയ വിജയനെയും പഴയ വിജയനെയും പേടിയില്ല,’ സതീശൻ വ്യക്തമാക്കി.
Post Your Comments