മലപ്പുറം: മലപ്പുറത്ത് പോലീസ് ഉദ്യോഗസ്ഥന്റെ വീടിന് നേരെ സ്‌ഫോടകവസ്തു എറിഞ്ഞു. കൊണ്ടോട്ടി നീറാട് വേങ്ങര സ്റ്റേഷനിൽ ജോലി ചെയ്യുന്ന സിവിൽ പൊലീസ് ഓഫീസർ സിജിത്തിന് വീടിന് നേരെയാണ് ആക്രമണം നടന്നത്. മണൽകടത്ത് സംഘമാണ് ആക്രമണത്തിന് പിന്നിലെന്നാണ് പുറത്തു വരുന്ന വിവരം. ഗേറ്റിന് സമീപത്ത് വെച്ച് സ്‌ഫോടകവസ്തു പൊട്ടി.
പുലർച്ചെ ഒരു മണിയോടെയാണ് ആക്രമണം നടന്നത്. ശബ്ദം കേട്ട് ഞെട്ടിയുണർന്ന വീട്ടുകാർ പുറത്തേക്കിറങ്ങിയപ്പോൾ ഗേറ്റിന് സമീപത്ത് തീ കത്തുന്നത് കണ്ടു. ഫോറസൻസിക് സംഘം പ്രദേശത്ത് നടത്തിയ പരിശോധനയിൽ ചിതറിയ നിലയിൽ ഡിറ്റണേറ്റർ ജലറ്റിൻ സ്റ്റിക്, വയർ ചില്ലുകൾ തുടങ്ങിയവയുടെ അവശിഷ്ടം കണ്ടെത്തിയിരുന്നു. ജില്ലാ പോലീസ് മേധാവി ഉൾപ്പെടെ സ്ഥലത്തെത്തി പരിശോധനകൾ നടത്തി.
Post Your Comments