വാകത്താനം: ഭാര്യയെ കൊലപ്പെടുത്താന്‍ ശ്രമിച്ച കേസില്‍ യുവാവ് പൊലീസ് പിടിയിൽ. വാകത്താനം നാലുന്നാക്കല്‍ ഭാഗത്ത് കൊച്ചുമണിയം പിടവത്ത് മോബി തോമസി(44)നെയാണ് അറസ്റ്റ് ചെയ്തത്. വാകത്താനം പൊലീസ് ആണ് ഇയാളെ അറസ്റ്റ് ചെയ്തത്.
കഴിഞ്ഞദിവസം രാത്രിയിലാണ് കേസിനാസ്പദമായ സംഭവം. ഇയാള്‍ വീട്ടില്‍വച്ച് ഭാര്യയുമായി വഴക്കുണ്ടാക്കി, കൊല്ലുമെന്നു ഭീഷണിപ്പെടുത്തി പോര്‍ച്ചിലിരുന്ന പ്ലാസ്റ്റിക് കസേര കൊണ്ടു തലയ്ക്കടിക്കുകയായിരുന്നു.
Read Also : സിയാലിൽ നിന്നും വേനൽക്കാല സമയക്രമം അനുസരിച്ചുള്ള സർവീസുകൾ ഈ മാസം ആരംഭിക്കും
പരാതിയുടെ അടിസ്ഥാനത്തിൽ വാകത്താനം പൊലീസ് കേസ് രജിസ്റ്റര്‍ ചെയ്യുകയും ഇയാളെ കുമളിക്കടുത്തുനിന്ന് പിടികൂടുകയുമായിരുന്നു. മോബിന്‍ സ്ത്രീധനത്തിന്‍റെ പേരില്‍ ഭാര്യയുമായി വീട്ടില്‍ കലഹമുണ്ടാക്കുക പതിവായിരുന്നു.
മുമ്പ് ഭാര്യയെ ആക്രമിച്ചതിന് ഇയാള്‍ക്കെതിരെ വാകത്താനം സ്റ്റേഷനില്‍ കേസുണ്ടെന്ന് പൊലീസ് പറഞ്ഞു. എസ്‌ഐ തോമസ് ജോസഫ്, കെ.എസ്. സുനില്‍, സിപിഒമാരായ കെ.ജെ. തോമസ്, എന്‍.ജെ. സെബാസ്റ്റ്യന്‍ എന്നിവര്‍ ചേര്‍ന്നാണ് ഇയാളെ അറസ്റ്റ് ചെയ്തത്. യുവാവിനെ കോടതിയിൽ ഹാജരാക്കി.
Post Your Comments