ഭാര്യയെ സ്‌ഫോടക വസ്തു എറിഞ്ഞ് കൊലപ്പെടുത്താൻ ശ്രമിച്ചു: ഭർത്താവിനെ അറസ്റ്റ് ചെയ്ത് പോലീസ്

കൊച്ചി: ഭാര്യയെ സ്‌ഫോടക വസ്തു എറിഞ്ഞ് കൊലപ്പെടുത്താൻ ശ്രമിച്ച ഭർത്താവിനെ അറസ്റ്റ് ചെയ്ത് പോലീസ്. കോതമംഗലം മലയൻകീഴ് കൂടിയാട്ട് വീട്ടിൽ അലക്‌സാണ് അറസ്റ്റിലായത്. സ്വകാര്യ സ്ഥാപനത്തിൽ നിന്ന് ജോലികഴിഞ്ഞ് പിതാവിനൊപ്പം മടങ്ങുകയായിരുന്ന യുവതിക്ക് നേരെയാണ് ആക്രമണം നടന്നത്.

Read Also: മഹാത്മാഗാന്ധിയെക്കാൾ മഹാനാണ് ഏട്ടൻ എന്നു തോന്നിയിട്ടുണ്ട്, ചില സന്ദർഭങ്ങളിൽ പാരയുമാണ്: ധ്യാൻ ശ്രീനിവാസൻ

സ്‌കൂട്ടറിൽ യാത്ര ചെയ്യുകയായിരുന്ന യുവതിക്കും പിതാവിനും നേരെ അലക്‌സ് സ്‌ഫോടക വസ്തു എറിയുകയായിരുന്നു. ആക്രമണത്തിനിടെ അലക്‌സിനും പരിക്കേറ്റിരുന്നു.

ഏതാനും നാളുകളായി അലക്‌സ് ഭാര്യയുമായി പിണങ്ങി ക്കഴിയുകയാണ്. കുടുംബകോടതിയിൽ വിവാഹമോചനത്തിന് കേസ് കൊടുത്തതിന്റെ വൈരാഗ്യത്തിലാണ് ഭാര്യയ്ക്ക് നേരെ സ്‌ഫോടക വസ്തു എറിഞ്ഞതെന്ന് അലക്‌സ് പോലീസിനോട് വെളിപ്പെടുത്തി. പ്രതിയെ കോടതിയിൽ ഹാജരാക്കി റിമാൻഡ് ചെയ്തതായി പോലീസ് പറഞ്ഞു. സംഭവത്തിൽ കൂടുതൽ അന്വേഷണം പുരോഗമിക്കുകയാണെന്നും പോലീസ് വ്യക്തമാക്കി.

Read Also: ആശുപത്രിയിൽ അമ്മയുടെ അടുത്ത് കിടന്നിരുന്ന കുഞ്ഞിനെ തെരുവുനായ കടിച്ചെടുത്തു: ഒരുമാസം പ്രായമായ കുഞ്ഞിന് ദാരുണാന്ത്യം