കോടികൾ തട്ടിച്ചെടുത്ത കേസിൽ ജയിൽവാസം: ഉപയോഗിക്കുന്നത് ലക്ഷങ്ങൾ വിലയുള്ള ചെരുപ്പും വസ്ത്രങ്ങളും

ന്യൂഡൽഹി: കോടികൾ തട്ടിച്ച കേസിൽ ജയിലിൽ കഴിയുന്ന സുകേഷ് ചന്ദ്രശേഖറിന്റെ സെല്ലിൽ അപ്രതീക്ഷിത റെയ്ഡ് നടത്തി അധികൃതർ. ലക്ഷങ്ങൾ വിലപിടിപ്പുള്ള വസ്ത്രങ്ങളും ചെരിപ്പുകളുമാണ് റെയിഡിൽ പിടിച്ചെടുത്തത്. സുകേഷ് ചന്ദ്രശേഖർ ജയിലിൽ ആഢംബര ജീവിതം നയിക്കുന്നുവെന്ന പരാതിയെ തുടർന്നായിരുന്നു ജയിൽ അധികൃതർ മിന്നൽ പരിശോധന നടത്തിയത്.

Read Also: ചിന്തയ്ക്ക് ലക്ഷങ്ങള്‍ നല്‍കിയ സര്‍ക്കാര്‍ പത്മശ്രീ അവാര്‍ഡ് ജേതാവിന്റെ പെന്‍ഷന്‍ വെട്ടിക്കുറച്ചു

സുകേഷ് ചന്ദ്രശേഖർ മണ്ടോളി ജയിലിലാണ് കഴിയുന്നത്. 8,0000 രൂപ വില വരുന്ന രണ്ടുജോഡി ജീൻസും ഒന്നര ലക്ഷം വില പിടിപ്പുള്ള ചെരിപ്പുകളുമാണ് ജയിലിൽ നടത്തിയ പരിശോധനയിൽ കണ്ടെത്തിയത്. പണവും ഇവിടെ നിന്നും പിടിച്ചെടുത്തിരുന്നു. പരിശോധനയുടെ സിസിടിവി ദൃശ്യങ്ങളും പുറത്തു വന്നിട്ടുണ്ട്. അഞ്ചോളം പേരടങ്ങുന്ന സംഘം സുകേഷിന്റെ മുറിയിലേക്ക് പ്രവേശിക്കുന്നതും ബാഗുകളും മറ്റു സാധനസാമഗ്രികളും പരിശോധിക്കുന്നതുമാണ് വീഡിയോയിലുള്ളത്.

Read Also: ഡെവലപ്പ്മെന്റ് ഓഫ് കോവളം ആന്റ് അഡ്ജസന്റ് ബീച്ചസ് പദ്ധതി: അംഗീകാരം നൽകി മന്ത്രിസഭാ യോഗം