തിരുവനന്തപുരം: സ്‌കൂട്ടർ യാത്രികയെ തടഞ്ഞുനിർത്തി ലൈംഗികാതിക്രമം നടത്തിയ യുവാവ് അറസ്റ്റിൽ. വിളപ്പിൽശാല മലപ്പനംകോട് വച്ചാണ് സ്‌കൂട്ടർ യാത്രികയ്ക്ക് നേരെ അതിക്രമം നടന്നത്. സംഭവവുമായി ബന്ധപ്പെട്ട് അമ്പൂരി തേക്കുപാറ കൂട്ടപ്പു ശൂരവക്കാണിക്കുഴിവിള വീട്ടിൽ ഷിന്റോ എന്നയാളെ പോലീസ് അറസ്റ്റ് ചെയ്തു.
ചെറിയകൊണ്ണി സ്വദേശിനിയായ യുവതിയെയാണ് ഇയാൾ ആക്രമിച്ചത്. ജനുവരി 5-ാം തീയതിയാണ് കേസിനാസ്പദമായ സംഭവം നടന്നത്. കാട്ടാക്കട കട്ടയ്‌ക്കോട് ഭാഗത്ത് നിന്നും വിളപ്പിൽശാല ഭാഗത്തേക്ക് ഇരുചക്ര വാഹനത്തിൽ പോകുകയായിരുന്നു യുവതി. മലപ്പനംകോട് ഇറക്കം ഇറങ്ങി വരുന്ന സമയം ഷിന്റോ സ്‌കൂട്ടറിൽ വന്ന് തടഞ്ഞ് നിർത്തി മാറിടത്തിൽ കടന്ന് പിടിച്ച് ലൈംഗിക ചുവയോടെ സംസാരിച്ച് അപമാനിക്കുകയായിരുന്നുവെന്നാണ് യുവതിയുടെ പരാതി.
കൃത്യത്തിനായി ഷിന്റോ ഉപയോഗിച്ച വാഹനത്തിന്റെ നമ്പർ കേന്ദ്രീകരിച്ച് നടത്തിയ അന്വേഷണത്തിലാണ് പ്രതിയെപ്പറ്റി പോലീസിന് സൂചന ലഭിച്ചത്. തുടർന്നാണ് ഒളിവിൽ കഴിഞ്ഞിരുന്ന പ്രതിയെ പോലീസ് പിടികൂടിയത്.
Post Your Comments