എറണാകുളം: കൊച്ചിയിൽ വീണ്ടും കേബിൾ കുരുങ്ങി അപകടം. ബൈക്ക് യാത്രക്കാരനായ അഭിഭാഷകൻ്റെ കഴുത്തിൽ കേബിൾ കുടുങ്ങി പരിക്കേറ്റു. കേബിൾ കുരുങ്ങിയതിനെ തുടർന്ന്, ബൈക്ക് മറിഞ്ഞുണ്ടായ അപകടത്തിൽ അഭിഭാഷകനായ കുര്യന് പരിക്കേറ്റു.
ഇന്ന് രാവിലെ ആറു മണിക്ക് എം.ജി റോഡിലായിരുന്നു അപകടം നടന്നത്. അപകടത്തിൽ പരിക്കേറ്റ കുര്യനെ കൊച്ചിയിലെ സ്വകാര്യ ആശുപത്രിയിൽ പ്രവേശിപ്പിച്ചു. ഇദ്ദേഹത്തിന് കഴുത്തിൽ മുറിവും കാലിന് എല്ല് പൊട്ടലുമുണ്ട്.
അതേസമയം, റോഡരികിൽ അപകടം പതിയിരിക്കുന്ന കേബിളുകൾ നീക്കം ചെയ്യുമെന്ന് കേബിൾ ടിവി ഓപ്പറേറ്റേഴ്സ് അസോസിയേഷൻ വ്യക്തമാക്കി.
Post Your Comments