തിരുവനനന്തപുരം: ആക്സിഡന്റ് ജി ഡി എൻട്രി ഇനി നിങ്ങളുടെ മൊബൈൽ ഫോണിൽ ലഭ്യമാകും. വാഹനാപകടങ്ങൾ സംബന്ധിച്ച കേസുകളിൽ ജി ഡി (ജനറൽ ഡയറി) എൻട്രി ആവശ്യമായി വരാറുണ്ട്. സ്റ്റേഷനിൽ വരാതെ തന്നെ ജി ഡി എൻട്രി ലഭ്യമാക്കുന്നതിന് കേരള പോലീസിന്റെ മൊബൈൽ ആപ്പായ പോൽ ആപ്പിൽ സൗകര്യം ഏർപ്പെടുത്തിയിട്ടുണ്ട്.
Read Also: പുതുവർഷത്തിൽ ഇന്ത്യയുടെ റഷ്യൻ എണ്ണ ഇറക്കുമതി റെക്കോർഡ് ഉയരത്തിൽ, ജനുവരിയിലെ കണക്കുകൾ അറിയാം
സേവനം ലഭ്യമാകാൻ മൊബൈൽ ആപ്ലിക്കേഷനിൽ പേരും മൊബൈൽ നമ്പറും നൽകുക. ഒടിപി മൊബൈലിൽ വരും. പിന്നെ, ആധാർ നമ്പർ നൽകി റജിസ്‌ട്രേഷൻ പൂർത്തിയാക്കാം. ഒരിക്കൽ റജിസ്‌ട്രേഷൻ നടത്തിയാൽ പിന്നെ, പോലീസുമായി ബന്ധപ്പെട്ട ഏതു സേവനങ്ങൾക്കും അതുമതിയാകും.
വാഹനങ്ങളുടെ ഇൻഷൂറൻസിന് ജി ഡി എൻട്രി കിട്ടാൻ ഇതിലെ Request Accident GD എന്ന സേവനം തെരെഞ്ഞെടുത്ത് അതിൽ അപേക്ഷകന്റെയും, ആക്സിഡന്റ് സംബന്ധമായതുമായ വിവരങ്ങൾ ഫോട്ടോ സഹിതം രേഖപ്പെടുത്തി സബ്മിറ്റ് ചെയ്യാവുന്നതാണ്. അപേക്ഷയിന്മേൽ പോലീസ് പരിശോധന പൂർത്തിയായ ശേഷം ജി ഡി എൻട്രി ഡൌൺലോഡ് ചെയ്ത് പ്രിന്റ് എടുക്കാവുന്നതാണ്. പൊതുജനങ്ങൾക്കായി വിവിധ സേവനങ്ങൾ പോൽ ആപ്പിൽ ലഭ്യമാണ്.
Post Your Comments