വൈക്കം: മധ്യവയസ്‌കനെ ഹെല്‍മറ്റ് കൊണ്ട് തലയ്ക്കടിച്ച് കൊലപ്പെടുത്താന്‍ ശ്രമിച്ച കേസില്‍ യുവാവ് അറസ്റ്റിൽ. വെച്ചൂര്‍ രഞ്‌ജേഷ് ഭവനത്തില്‍ രഞ്‌ജേഷി(32)നെയാണ് അറസ്റ്റ് ചെയ്തത്. വൈക്കം പൊലീസ് ആണ് പ്രതിയെ അറസ്റ്റ് ചെയ്തത്.
Read Also : പ്രണയ ദിനത്തിൽ ഓർമ്മയായി ഇന്റർനെറ്റ് എക്സ്പ്ലോറർ 11, പ്രവർത്തനം പൂർണമായും അവസാനിപ്പിക്കും
കഴിഞ്ഞ പത്തിനു ആണ് കേസിനാസ്പദമായ സംഭവം. ഇയാള്‍ വെച്ചൂര്‍ അംബികമാര്‍ക്കറ്റിന് സമീപമുള്ള കള്ളുഷാപ്പിന് സമീപത്തുവച്ചു മധ്യവയസ്‌കനെ ആക്രമിക്കുകയായിരുന്നു. രഞ്‌ജേഷ് ഷാപ്പില്‍ നിന്ന് ബഹളം വച്ച് ഇറങ്ങുന്നതിനിടയില്‍ ഷാപ്പിന് വെളിയില്‍ നിന്നിരുന്ന മധ്യവയസ്‌കന്‍ ചോദ്യം ചെയ്യുകയും വാക്കുതര്‍ക്കം ഉണ്ടാവുകയുമായിരുന്നു.
തുടർന്ന്, പരാതിയുടെ അടിസ്ഥാനത്തിൽ വൈക്കം പൊലീസ് കേസ് രജിസ്റ്റര്‍ ചെയ്യുകയും ഇയാളെ പിടികൂടുകയുമായിരുന്നു. ഇയാള്‍ക്കെതിരെ വൈക്കം സ്റ്റേഷനില്‍ അടിപിടി കേസുകളുണ്ടെന്ന് പൊലീസ് പറഞ്ഞു. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments