ക്ഷേത്രോത്സവത്തിനിടെ കതിന പൊട്ടിത്തെറിച്ച് അപകടം : ചികിത്സയിലിരുന്നയാൾ മരിച്ചു

ചേർത്തല: ക്ഷേത്രോത്സവത്തിന് കതിന നിറച്ചപ്പോൾ ഉണ്ടായ പൊട്ടിത്തെറിയിൽ പരിക്കേറ്റ് ചികിത്സയിലിരുന്നയാൾ മരിച്ചു. അർത്തുങ്കൽ ചെത്തി കിഴക്കേവെളി വീട്ടിൽ അശോകൻ (54) ആണ് മരിച്ചത്.

Read Also : യൂട്യൂബറെ മരിച്ച നിലയിൽ കണ്ടെത്തി, ശരീരമാസകലം മുറിവുകളും കഴുത്തിൽ കയർ ചുറ്റിയ നിലയിലും

അർത്തുങ്കൽ അറവുകാട് വെള്ളിയാഴ്ച രാവിലെ ഏഴര മണിയോടെയാണ് അപകടം സംഭവിച്ചത്. പറയെടുപ്പിനായി രണ്ടു കതിന കുറ്റികൾ നിറക്കുന്നതിനിടെ പൊട്ടിത്തെറിക്കുകയായിരുന്നു. അശോകനോടൊപ്പമുണ്ടായിരുന്ന ചെത്തി പുളിക്കൽചിറ പ്രകാശനും പൊള്ളലേറ്റിരുന്നു. 80 ശതമാനത്തിലേറെ പൊള്ളലേറ്റ അശോകൻ കോട്ടയം മെഡിക്കൽ കോളേജ് ആശുപത്രിയിൽ ചികിത്സയിലിരിക്കെ തിങ്കളാഴ്ച ഉച്ചയ്ക്ക് രണ്ട് മണിയോടെയാണ് മരിച്ചത്.

മൃതദേഹം ആശുപത്രി മോർച്ചറിയിൽ സൂക്ഷിച്ചിരിക്കുകയാണ്. മത്സ്യത്തൊഴിലാളിയാണ് മരിച്ച അശോകൻ. സംസ്കാരം ചൊവ്വാഴ്ച ഉച്ചയ്ക്ക് വീട്ടുവളപ്പിൽ നടക്കും. ഭാര്യ: സുവർണ്ണ, മകൾ: അഞ്ജലി.