കോട്ടയം: അയ്മനത്ത് 72 കാരനെ കൊലപ്പെടുത്താന്‍ ശ്രമിച്ച സംഭവത്തില്‍ മധ്യവയസ്കൻ അറസ്റ്റിൽ. അയ്മനം മര്യാതുരുത്ത് ഭാഗത്ത് പുത്തന്‍പറമ്പില്‍ റെജിമോനെ(52)യാണ് അറസ്റ്റ് ചെയ്തത്. കോട്ടയം വെസ്റ്റ് പൊലീസ് ആണ് അറസ്റ്റ് ചെയ്തത്.
അയ്മനം സ്വദേശിയായ ദേവരാജനെയാണ് റെജിമോൻ കൊലപ്പെടുത്താന്‍ ശ്രമിച്ചത്. ദേവരാജനും സഹോദരന്‍ പ്രദീപും ചേര്‍ന്ന് പ്രദീപിന്‍റെ പറമ്പിനോട് ചേര്‍ന്നുള്ള റോഡില്‍ കരിയില കൂട്ടി തീ കത്തിച്ചത് റെജിമോന്‍ ചോദ്യം ചെയ്തു. ഇതോടെ ഇവര്‍ തമ്മില്‍ വാക്കുതര്‍ക്കം ഉണ്ടായി. തുടര്‍ന്ന്, റെജിമോന്‍ വീട്ടില്‍ ചെന്ന് കൈക്കോടാലിയുമായി തിരികെയെത്തി ദേവരാജനെ വെട്ടിക്കൊലപ്പെടുത്താന്‍ ശ്രമിക്കുകയായിരുന്നു. തടയാന്‍ ശ്രമിച്ച സഹോദരനെയും ഇയാള്‍ ആക്രമിച്ചു.
കോട്ടയം വെസ്റ്റ് പൊലീസ് ആണ് കേസ് രജിസ്റ്റര്‍ ചെയ്ത് ഇയാളെ പിടികൂടിയത്. എസ്‌ഐ ടി. ശ്രീജിത്തിന്‍റെ നേതൃത്വത്തിലാണ് പ്രതിയെ പിടികൂടിയത്. ഇയാളെ കോടതിയിൽ ഹാജരാക്കി.
Post Your Comments