എറണാകുളം: കൊച്ചിയിൽ ട്രാവല്‍ ഏജന്‍സിയിലുണ്ടായ തര്‍ക്കത്തിനിടെ യുവതിക്ക് കുത്തേറ്റു. എറണാകുളം രവിപുരത്തെ ട്രാവല്‍സില്‍ ജോലി ചെയ്യുന്ന സൂര്യയ്ക്കാണ് കുത്തേറ്റത്. ഇവരെ ആശുപത്രിയില്‍ പ്രവേശിപ്പിച്ചു.
സംഭവത്തിൽ, ജോളിജയിംസ് എന്നയാളെ പൊലീസ് കസ്റ്റഡിയിലെടുത്തു. ഇയാൾ ജോലിയാവശ്യത്തിനായി യുവതി ജോലി ചെയ്യുന്ന ട്രാവല്‍സില്‍ ഒരു ലക്ഷം രൂപ നല്‍കിയിരുന്നു. ഇതുമായി ബന്ധപ്പെട്ട് സൂര്യയുമായി തര്‍ക്കമുണ്ടായി. തുടർന്ന്, യുവതിയെ ഇയാൾ കുത്തിപരിക്കേല്‍പ്പിക്കുകയുമായിരുന്നു.
യുവതി കഴുത്തില്‍ കുത്തേറ്റയുടനെ ട്രാവല്‍സില്‍ നിന്ന് ഇറങ്ങിയോടി. തുടർന്ന്, പൊലീസ് വാഹനത്തിന് മുമ്പിലെത്തിയ യുവതിയെ പൊലീസുകാരാണ് ആശുപത്രിയിലെത്തിച്ചത്. യുവതിയുടെ പരിക്ക് ഗുരുതരമാണെന്നാണ് ലഭിക്കുന്ന വിവരം.
Post Your Comments