മഹീന്ദ്ര ആൻഡ് മഹീന്ദ്ര: എക്‌സ്‌യുവി 400 എക്സ്ക്ലൂസീവ് എഡിഷൻ ഉടൻ ലേലം ചെയ്യും, ലേല നടപടികളെക്കുറിച്ച് അറിയാം

ലേല നടപടികൾ ആരംഭിക്കാനൊരുങ്ങി പ്രമുഖ എക്‌സ്‌യുവി നിർമ്മാതാക്കളായ മഹീന്ദ്ര ആൻഡ് മഹീന്ദ്ര. റിപ്പോർട്ടുകൾ പ്രകാരം, എക്‌സ്‌യുവി 400 എക്സ്ക്ലൂസീവ് എഡിഷനാണ് ലേലം ചെയ്യാൻ തീരുമാനിച്ചിരിക്കുന്നത്. 2023 ജനുവരി 26- ന് രാവിലെ 11 മണി മുതലാണ് ഓൺലൈനിൽ ലേല നടപടികൾ ആരംഭിക്കുക. ആറ് ദിവസം നീണ്ടുനിൽക്കുന്ന ലേലം ജനുവരി 31- ന് സമാപിക്കും.

ഏറ്റവും കൂടുതൽ തുക ലേലം വിളിക്കുന്നയാൾക്ക് 2023 ഫെബ്രുവരി 10- നാണ് മഹീന്ദ്ര ഗ്രൂപ്പ് ചെയർമാൻ ആനന്ദ് മഹീന്ദ്ര എക്‌സ്‌യുവി കൈമാറുക. ലേലത്തുക പ്രധാനമായും സാമൂഹിക ആവശ്യത്തിനും, ക്ലീൻ എയർ, ക്ലീൻ എനർജി, ഗ്രീൻ മൊബിലിറ്റി, ശുദ്ധജലം എന്നിവയ്ക്കായി മഹീന്ദ്ര സസ്‌റ്റൈനബിലിറ്റി അവാർഡ് ജേതാക്കൾക്ക് വിതരണം ചെയ്യുന്നതാണ്.

Also Read: വാഹനങ്ങളെ തിരിച്ചുവിളിച്ച് ടൊയോട്ടയും, കാരണം ഇതാണ്

2022 നവംബർ 28- ന് നടന്ന മഹീന്ദ്ര ഫാഷൻ ടൂറിലാണ് എക്‌സ്‌യുവി 400 എക്സ്ക്ലൂസീവ് എഡിഷൻ ആദ്യമായി പുറത്തിറക്കിയത്. നിലവിലുള്ള മോഡലിനേക്കാൾ വളരെ വ്യത്യസ്ഥമായ ഡിസൈനാണ് നൽകിയിട്ടുള്ളത്. ഫുൾ ചാർജിൽ 456 കിലോമീറ്റർ ദൂരം വരെ യാത്ര ചെയ്യാൻ സാധിക്കുന്നതാണ്.