എല്‍ഡിഎഫ് മന്ത്രിമാരെ മന്ദബുദ്ധികളെന്ന് ആക്ഷേപിച്ച്‌ കൊടിക്കുന്നില്‍ സുരേഷ് എംപി

വണ്ടന്മേട്: സംസ്ഥാനത്തെ മന്ത്രിമാർ മന്ദബുദ്ധികളാണെന്ന വിവാദ പരാമർശവുമായി കെപിസിസി വർക്കിങ് പ്രസിഡന്റ് കൊടിക്കുന്നിൽ സുരേഷ് എംപി.

കൊടിക്കുന്നിൽ പറഞ്ഞത് ഇങ്ങനെ, ‘വനംമന്ത്രി എ കെ ശശീന്ദ്രൻ സംസ്ഥാനത്തിന് തന്നെ ബാധ്യതയാണ്. സ്വന്തം വകുപ്പിലെ കാര്യങ്ങളും ജനങ്ങളുടെ പ്രശ്നങ്ങളും മനസിലാക്കാൻ കഴിവില്ലാത്ത മന്ദബുദ്ധികളാണ് കേരളത്തിലെ മന്ത്രിമാർ.’

ഡീൻ കുര്യാക്കോസ് എംപി നടത്തുന്ന പദയാത്രയുടെ രണ്ടാം ദിവസത്തെ സമാപന യോഗം പുറ്റടിയിൽ ഉദ്ഘാടനംചെയ്ത് സംസാരിക്കവെയാണ് വിവാദ പരാമർശം.