ആനക്കര: വിദ്യാർത്ഥിനികളെ പീഡിപ്പിച്ച കേസിൽ ഒളിവിലായിരുന്ന അധ്യാപകൻ അറസ്റ്റിൽ. കുമരനെല്ലൂർ എൻജിനീയർ റോഡ് സ്വദേശി കോമത്ത് സമദിനെയാണ് (40) അറസ്റ്റ് ചെയ്തത്. ചങ്ങരംകുളം പൊലീസ് ആണ് പ്രതിയെ അറസ്റ്റ് ചെയ്തത്.
Read Also : യൂറോപ്പിലേക്കുള്ള ഡീസൽ കയറ്റുമതി വർദ്ധിപ്പിക്കാൻ കുവൈത്ത്: വിമാന ഇന്ധന കയറ്റുമതിയും ഉയർത്തും
നിലവിൽ അധ്യാപകനെതിരെ ഒമ്പതോളം പരാതികൾ ലഭിച്ചതായി പൊലീസ് പറഞ്ഞു. സംഭവം പുറത്തായതോടെ ഒളിവിൽ കഴിഞ്ഞു വന്ന പ്രതി ബുധനാഴ്ച ചങ്ങരംകുളം പൊലീസിൽ കീഴടങ്ങുകയായിരുന്നു.
രക്ഷിതാക്കള്‍ ചൈൽഡ് ലൈനിൽ പരാതി നൽകിയിരുന്നു. തുടർന്ന്, ചൈൽഡ് ലൈൻ ചങ്ങരംകുളം പൊലീസിന് കൈമാറിയ പരാതിയില്‍ ഇയാൾക്കെതിരെ പോക്സോ ചുമത്തി കേസെടുത്തിരുന്നു. ഇതിന്റെ അടിസ്ഥാനത്തിലാണ് അറസ്റ്റ് ചെയ്തത്. കോടതിയിൽ ഹാജരാക്കിയ പ്രതിയെ റിമാൻഡ് ചെയ്തു.
Post Your Comments