തിരുവനന്തപുരം: കഴക്കൂട്ടത്ത് മയക്കുമരുന്ന് സംഘത്തിലെ എട്ടുപേർ പിടിയിൽ. കൊലക്കേസിൽ പ്രതിയായ ദിപു ദത്ത്, ശ്രീജിത്ത്, ആദർശ്, രജ്ഞിത്ത്, വിഷ്ണു, ശ്യാംകുമാർ, സുബാഷ്, അരുണ്‍ എന്നിവരാണ് പിടിയിലായത്.
ഗോവയിൽ നിന്നും മയക്കുമരുന്നുമായെത്തിയവരാണ് പിടിയിലായത്. എംഡിഎംഎയും, എൽഎസ്‍ഡി സ്റ്റാമ്പുമായി ഗോവയിൽ നിന്നും സംഘമെത്തുമെന്ന വിവരത്തിന്‍റെ അടിസ്ഥാനത്തിലാണ് തിരുവനന്തപുരം ഡാൻസാഫ് സംഘം ഇവരെ പിന്തുടർന്നത്.
Read Also : ഐടി ഹാർഡ്‌വെയർ നിർമ്മാണത്തിനുള്ള പിഎൽഐ വർദ്ധിപ്പിക്കാനൊരുങ്ങി കേന്ദ്രസർക്കാർ
കഴക്കൂട്ടത്ത് വച്ച് ഇവർ സഞ്ചരിച്ചിരുന്ന രണ്ട് വാഹനം തടഞ്ഞു. വാഹനത്തിനുള്ളിൽ നിന്നുമാണ് ലഹരിവസ്തുക്കള്‍ പിടികൂടിയത്. പുതുവത്സാരാഘോഷത്തിന് ശേഷം ഗോവയിൽ നിന്നും കൊണ്ടുവന്ന ലഹരിവസ്തുക്കള്‍ ഇവർ പല സ്ഥലങ്ങളിൽ വിൽപ്പന നടത്തി വരുകയായിരുന്നു.
കഴക്കൂട്ടം പൊലീസിന്‍റെ സഹായത്തോടെയാണ് ഇവരെ പ്രത്യേക സംഘം പിടികൂടിയത്. പ്രതികളെ ചോദ്യം ചെയ്ത് വരികയാണ്. ഇവരെ കോടതിയിൽ ഹാജരാക്കും.
Post Your Comments