കോഴിക്കോട്: ഫ്‌ളാറ്റ് കേന്ദ്രീകരിച്ച് പെൺവാണിഭം നടത്തി വന്ന സംഘം അറസ്റ്റിൽ. യുവതി ഉൾപ്പെടെ നാല് പേരെയാണ് പോലീസ് അറസ്റ്റ് ചെയ്തത്. സുൽത്താൻ ബത്തേരി സ്വദേശിനി കെ കെ ബിന്ദു, മലപ്പുറം താനൂർ സ്വദേശി ഷാജി, പുതിയങ്ങാടി സ്വദേശി കാർത്തിക്, പെരുവയൽ സ്വദേശി റാസിഖ് എന്നിവരെയാണ് പോലീസ് റെയ്ഡിൽ പിടികൂടിയത്.
കോഴിക്കോട് നഗരമധ്യത്തിലെ പ്രമുഖ ഫ്‌ളാറ്റിൽ നിന്നുമാണ് സംഘത്തെ പോലീസ് പിടികൂടിയത്. ബിന്ദുവിനെ മുൻനിർത്തിയാണ് സംഘം ഇടപാടുകാരെ ഫ്‌ളാറ്റിൽ എത്തിച്ചിരുന്നത്. ഒരു കുടുംബമാണെന്നായിരുന്നു ബിന്ദു അടുത്തുള്ള ഫ്‌ളാറ്റുകളിലെ ആളുകളോട് പറഞ്ഞിരുന്നത്. ഇടയ്ക്കിടെ ഫ്‌ളാറ്റിലേക്ക് വരുന്ന ആണുങ്ങൾ കുടുംബക്കാർ ആണെന്നും ബിന്ദു പറഞ്ഞു. കൂടാതെ സ്ത്രീകളെയും ബിന്ദുവും സംഘവും ഫ്‌ളാറ്റിലെത്തിച്ചിരുന്നു.
മെഡിക്കൽ കോളജ് പൊലീസിന് ലഭിച്ച രഹസ്യ വിവരത്തിന്റെ അടിസ്ഥാനത്തിൽ നടത്തിയ പരിശോധനയിലാണ് സംഘത്തെ പിടികൂടാനായത്. പെൺവാണിഭ സംഘത്തിൽ കൂടുതൽ ആളുകൾ പങ്കാളികളാണോ എന്ന് പോലീസ് അന്വേഷിക്കും.
Post Your Comments