ഓട്ടോറിക്ഷ മറിഞ്ഞ് അപകടം : ആറ് കുട്ടികൾക്ക് പരിക്ക്

കൊടുങ്ങല്ലൂർ: തൃശൂരിൽ ഓട്ടോറിക്ഷ മറിഞ്ഞ് ആറ് കുട്ടികൾക്ക് പരിക്കേറ്റു. ആരുടെയും പരിക്ക് ​ഗുരുതരമല്ല.

Read Also : കിലിയന്‍ എംബാപ്പെയുടെ ഷോട്ട് ദേഹത്ത് പതിച്ച് ആരാധകന് പരിക്ക്: ആശ്വസിപ്പിച്ച് താരം

കൊടുങ്ങല്ലൂർ ടികെഎസ് പുരത്ത് സാന്താ മരിയ സ്കൂളിന് എതിർ വശത്ത് രാവിലെ ഒമ്പതോടെയായിരുന്നു അപകടം. സ്കൂളിലേക്ക് കുട്ടികളെ കൊണ്ടുപോയ ഓട്ടോയാണ് അപകടത്തിൽപ്പെട്ടത്. മോട്ടോർ ബൈക്കിൽ ഇടിക്കാതിരിക്കാൻ ബ്രേക്ക് ചവിട്ടിയതിനെ തുടർന്നാണ് ഓട്ടോറിക്ഷ നിയന്ത്രണം വിട്ട് മറിഞ്ഞത്.

നാട്ടുകാരും പൊലീസും ഉടൻ സ്ഥലത്തെത്തി രക്ഷാപ്രവർത്തനം നടത്തുകയായിരുന്നു. പരിക്കേറ്റ കുട്ടികളെ സ്വകാര്യ ആശുപത്രിയിൽ പ്രവേശിപ്പിച്ചു.