മലപ്പുറം: വില്‍പ്പനയ്‌ക്കായി ഗുഡ്‌സ് വാഹനത്തില്‍ ഒളിപ്പിച്ച് കടത്തിയ കഞ്ചാവ് പിടികൂടി. ഒമ്പതര കിലോഗ്രാം കഞ്ചാവാണ് പിടികൂടിയത്. സംഭവവുമായി ബന്ധപ്പെട്ട്‌ രണ്ട് പേര്‍ പിടിയിലായി. അലനെല്ലൂര്‍ സ്വദേശികളായ ചെറൂക്കന്‍ യൂസഫ് (35), പാക്കത്ത് ഹംസ (48) എന്നിവരെയാണ് പെരിന്തല്‍മണ്ണയില്‍ വച്ച് പോലീസ് അറസ്റ്റ് ചെയ്തത്.
പെരിന്തല്‍മണ്ണ ടൗണിലും പരിസരത്തും നടത്തിയ രാത്രികാല പട്രോളിങ്ങിനിടെയാണ് ഇവർ പിടിയിലായത്.
അന്യസംസ്ഥാനങ്ങളില്‍ നിന്ന് കഞ്ചാവും സിന്തറ്റിക് ലഹരിമരുന്നുകളും കേരളത്തിലേക്ക് കടത്തുന്ന സംഘത്തെ കുറിച്ച് മലപ്പുറം പോലീസിന് നേരത്ത് സൂചന ലഭിച്ചിരുന്നു. ഇതേ തുടര്‍ന്ന്‌ നടത്തിയ പരിശോധനയില്‍ ആണ് കഞ്ചാവ് പിടികൂടിയത്.
Post Your Comments