കേരളത്തിൽ മയക്കുമരുന്ന് ആഴത്തിൽ വേരൂന്നി കഴിഞ്ഞു, പോലീസ് പിടികൂടുന്നത് അവസാനത്തെ കണ്ണികളെ മാത്രം: വി.ഡി സതീശൻ

കൊച്ചി: അറിയുന്നതിനേക്കാൾ ഗുരുതര  സാഹചര്യത്തിൽ ആണ് കേരളത്തിൽ മയക്കു  മരുന്നു ഉപയോഗമെന്ന് പ്രതിപക്ഷ നേതാവ് വി.ഡി സതീശൻ. മദ്യ ഉപയോഗത്തിൽ കേരളം ഒന്നാമത് ആണ്.

മയക്കുമരുന്നിലും ഇത് തന്നെ സ്ഥിതി. സ്ത്രീകളും പെൺകുട്ടികളും മയക്കു മരുന്നിന്റെ ചതി കുഴിയിൽ ആണ്. വിവിധ സംസ്ഥാനങ്ങളിൽ നിന്നും പല തരത്തിലുള്ള മയക്കു മരുന്ന് സംസ്ഥാനത്ത് എത്തുന്നു. പോലീസ് പിടികൂടുന്നത് അവസാനത്തെ കണ്ണികളെ മാത്രം ആണ്. വിറ്റഴിക്കുന്നതിന്റെ 5 ശതമാനം പോലും പിടിക്കപ്പെടുന്നില്ലെന്നും വി.ഡി സതീശൻ പറഞ്ഞു.

യു.ഡി.എഫിന്റെ ലഹരി വിരുദ്ധ ക്യാമ്പയിന് കൊച്ചിയിൽ തുടക്കമായി. ഈ മാസം 10 മുതല്‍ 20 വരെ എല്ലാ ജില്ലകളിലും ക്യാമ്പയിൻ സംഘടിപ്പിക്കും.