ആനയെ കണ്ട് ഭയന്നോടുന്നതിനിടയിൽ വീണ് പരുക്കേറ്റ തൊഴിലാളി മരിച്ചു : ഒരാൾ ആശുപത്രിയിൽ

ഇടുക്കി: ആനയെ കണ്ട് ഭയന്നോടുന്നതിനിടയിൽ വീണ് പരുക്കേറ്റ തൊഴിലാളി മരിച്ചു. മധ്യപ്രദേശ് സ്വദേശി സുദർശനാണ് മരിച്ചത്.

Read Also : വ്യോമസേനയ്ക്കു വേണ്ടി സി-295 എയര്‍ക്രാഫ്റ്റുകള്‍ നിർമ്മിക്കാൻ എയര്‍ബസും ടാറ്റയും കൈകോര്‍ക്കുന്നു

ഇടുക്കി മാങ്കുളത്തിന് സമീപം പീച്ചാട് ആണ് സംഭവം. ആനയുടെ ആക്രമണത്തിൽ പരുക്കേറ്റ ഇരട്ടയാർ സ്വദേശി ബെർണബാസിനെ അടിമാലിയിലെ സ്വകാര്യ ആശുപത്രിയിൽ പ്രവേശിപ്പിച്ചു. തോട്ടത്തിലെ ജോലിക്കിടെ ആനയെ കണ്ട് തൊഴിലാളികൾ ഭയന്നോടുകയായിരുന്നു. തുടർന്ന്, ഒപ്പമുണ്ടായിരുന്നവർ അന്വേഷിച്ചെത്തിയപ്പോഴാണ് പാറയിടുക്കിൽ വീണ് കിടക്കുന്ന സുദർശനെ കണ്ടത്.

ഉടൻ തന്നെ അടിമാലി താലൂക്കാശുപത്രിയിൽ എത്തിച്ചെങ്കിലും ജീവൻ രക്ഷിക്കാനായില്ല. മൃതദേഹം അടിമാലി താലൂക്കാശുപത്രി മോർച്ചറിയിൽ സൂക്ഷിച്ചിരിക്കുകയാണ്.