എറണാകുളം: കാപ്പ ചുമത്തി നാട് കടത്തിയ യുവാവ് ലോഡ്ജ് മുറിയിൽ തൂങ്ങി മരിച്ച നിലയിൽ. കണ്ണൂർ കതിരൂർ സ്വദേശി പാറംകുന്ന് കൂരാഞ്ചി ഹൗസിൽ കെ. വിഥുനെയാണ് തൂങ്ങി മരിച്ച നിലയിൽ കണ്ടെത്തിയത്. എറണാകുളത്തെ ലോഡ്ജ് മുറിയിൽ ആണ് ഇയാൾ മരിച്ചത്.
കഴിഞ്ഞ മൂന്നു വർഷത്തിനുള്ളിൽ ചെറുതും വലുതുമായ നിരവധി ക്രിമിനൽ കേസുകളിൽ പ്രതിയാണ് വിഥു. അതുകൊണ്ടാണ് പോലീസ് കാപ്പ നിയമപ്രകാരം ഇയാളെ നാടുകടത്തിയത്. കതിരൂർ പോലീസ് സ്റ്റേഷൻ പരിധിയിലെ താമസക്കാരനാണ് വിഥുൻ.
കണ്ണൂർ സിറ്റി പോലീസ് കമ്മീഷണർ ആര്‍. ഇളങ്കോയുടെ റിപ്പോർട്ടിന്റെ അടിസ്ഥാനത്തിൽ കണ്ണൂർ റേഞ്ച് ഡി.ഐ.ജിയുടെ ഉത്തരവ് പ്രകരമാണ് ഇയാളെ നാടുകടത്തിയത്. കണ്ണൂർ ജില്ലയിൽ പ്രവേശിക്കുന്നതിനും ജില്ലയിൽ ഏതെങ്കിലും തരത്തിലുള്ള പ്രവർത്തനങ്ങളിൽ ഏർപ്പെടുന്നതിനും ആറ് മാസത്തേക്ക് ഇയാളെ വിലക്കിയിരുന്നു.
Post Your Comments