കൊച്ചി: അജിത് വിനായക ഫിലിംസിന്റെ ബാനറിൽ വിനായക അജിത് നിർമ്മിക്കുന്ന ‘മദനോത്സവം’ എന്ന ചിത്രം രതീഷ് ബാലകൃഷ്ണൻ പൊതുവാളിന്റെ സിനിമകളിലെ ചീഫ് അസോസിയേറ്റ് ആയിരുന്ന സുധീഷ് ഗോപിനാഥ് സംവിധാനം ചെയ്യുന്നു. ഇ സന്തോഷ് കുമാറിന്റെ ചെറുകഥയെ ആസ്പദമാക്കി രതീഷ് ബാലകൃഷ്ണൻ പൊതുവാളാണ് ചിത്രത്തിന്റെ തിരക്കഥ തയ്യാറാക്കിയിട്ടുള്ളത്. വളരെ രസകരമായ ഒരു ഗാനത്തിന്റെ ടീസറിലൂടെയാണ് മദനോത്സവം വരവറിയിച്ചിരിക്കുന്നത്.
സുരാജ് വെഞ്ഞാറമൂട്, ബാബു ആന്റണി, രാജേഷ് മാധവൻ, സുധി കോപ്പ, ഭാമ അരുൺ എന്നിവർ പ്രധാന കഥാപാത്രങ്ങളായി എത്തുന്ന ചിത്രത്തിന്റെ ചിത്രീകരണം കാസർഗോഡ്, കൂർഗ്, മടികേരി എന്നീ സ്ഥലങ്ങളിൽ ആണ് നടക്കും.
‘കാണാ ദൂരത്താണോ കാണും ദൂരത്താണോ ആരും കാണാതോടും മോഹക്ലോക്കിൻ സൂചി’ എന്ന ഗാനവുമായി എത്തിയ മദനോത്സവത്തിന്റെ സോങ് ടീസറിന് ഗംഭീര വരവേൽപ്പാണ് സോഷ്യൽ മീഡിയയിൽ ലഭിച്ചിട്ടുള്ളത്. നിരവധി താരങ്ങളും മദനോത്സവത്തിന് ആശംസകളുമായി ചിത്രത്തിന്റെ ടീസർ ഷെയർ ചെയ്തിട്ടുണ്ട്.
കഥ- ഇ സന്തോഷ് കുമാർ, ഡിഓപി- ഷെഹ്നാദ് ജലാൽ, ക്രിയേറ്റിവ് പ്രൊഡ്യൂസർ- ജെയ് കെ, പ്രൊഡക്ഷൻ ഡിസൈനർ- ജ്യോതിഷ് ശങ്കർ, എഡിറ്റർ- വിവേക് ഹർഷൻ, സംഗീതം- ക്രിസ്റ്റോ സേവിയർ, ലിറിക്‌സ്- വൈശാഖ് സുഗുണൻ, സൗണ്ട് ഡിസൈൻ- ശ്രീജിത്ത് ശ്രീനിവാസൻ, പ്രൊഡക്ഷൻ കൺട്രോളർ- രഞ്ജിത് കരുണാകരൻ, ആർട്ട് ഡയറക്റ്റർ- കൃപേഷ് അയ്യപ്പൻകുട്ടി, വസ്ത്രാലങ്കാരം- മെൽവി ജെ, മേക്കപ്പ്- ആർജി വയനാടൻ, അസോസിയേറ്റ് ഡയറക്ടർ- അഭിലാഷ് എംയു, സ്റ്റിൽസ്- നന്ദു ഗോപാലകൃഷ്‌ണൻ, ഡിസൈൻ-അറപ്പിരി വരയൻ, പിആർഓ- പ്രതീഷ് ശേഖർ എന്നിവരാണ് ചിത്രത്തിന്റെ അണിയറ പ്രവർത്തകർ.
Post Your Comments