മുംബൈയിൽ അമേരിക്കൻ ചരക്കിന്റെ മറവിൽ മയക്കുമരുന്ന് കടത്ത്: രണ്ട് പേർ പിടിയിൽ 

മുംബൈ: മുംബൈയിൽ 39.5 കോടി രൂപ വിലമതിക്കുന്ന കഞ്ചാവ് പിടികൂടി. 86.5 കിലോഗ്രാം അമേരിക്കൻ നിർമിത കഞ്ചാവാണ് ഡയറക്ടറേറ്റ് ഓഫ് റവന്യൂ ഇന്റലിജൻസ് പിടികൂടിയത്. ഡി.ആർ.ഐ വിമാനത്താവളത്തിൽ നിന്നുമാണ് ഇവ പിടികൂടിയത്. തുടർന്നുള്ള അന്വേഷണത്തിൽ നിന്നാണ് മുംബൈയിൽ നിന്നും രണ്ട് പേർ അറസ്റ്റിലായത്.

മയക്കുമരുന്ന് ഇറക്കുമതി ചെയ്തയാളുമായി ബന്ധപ്പെട്ട വെയർഹൗസിന്റെയും ഓഫീസിലും മറ്റ് സമീപ പ്രദേശങ്ങളിലും പരിശോധന നടത്തി. മാരക ലഹരിമരുന്നായ ഹൈഡ്രോപോണിക് വീഡാണ് കണ്ടെടുത്തത്.

കഴിഞ്ഞ ദിവസമാണ് അന്താരാഷ്‌ട്ര കള്ളക്കടത്ത് റാക്കറ്റിനെ പിടികൂടിയത്. മൂന്ന് സംസ്ഥാനങ്ങളിൽ നിന്നായി 2.3 കോടി രൂപ വിലമതിക്കുന്ന കഞ്ചാവും മയക്കുമരുന്നും പിടിച്ചെടുത്തിരുന്നു. കേസുമായി ബന്ധപ്പെട്ട് രണ്ട് പേർ അറസ്റ്റിലായി. ഹൈദരാബാദിലേക്ക് അയച്ച ചരക്കിന്റെ മറവിലാണ് കഞ്ചാവ് കടത്തിയത്.