പത്തനംതിട്ട: യുവാവിനെയും ഭാര്യയേയും വീട്ടില്‍ കയറി മര്‍ദ്ദിച്ച പ്രതി പിടിയിൽ. തോട്ടപ്പുഴശ്ശേരി പുല്ലാട് മോസ്കോ പടി താന്നിമൂട്ടില്‍ ദീപു ടി .ടി എന്ന 37-കാരനെയാണ് കോയിപ്രം പൊലീസ് അറസ്റ്റ് ചെയ്തത്.
വെള്ളിയാഴ്‌ച വൈകിട്ട് 6.15-ന് വീട്ടില്‍ അതിക്രമിച്ചകയറി തൊട്ടപ്പുഴശ്ശേരി പുല്ലാട് മോസ്കോപടി താനുംമൂട്ടില്‍ വീട്ടില്‍ അജിത്തിനെയും ഭാര്യ വിനീതയെയുമാണ് മർദ്ദിച്ചത്.
Read Also : അടുത്ത 3 വർഷത്തേക്കുള്ള പൊതു ഫെഡറൽ ബജറ്റിന് അംഗീകാരം നൽകി യുഎഇ
ദീപുവിന്റെ ബന്ധു ഹരിദാസ് ഒരാഴ്‌ച മുമ്പ് കോഴഞ്ചേരി ബാറില്‍ വച്ച്‌ അജിത്തിനെ മര്‍ദ്ദിച്ചിരുന്നു. ഇതുമായി ബന്ധപ്പെട്ട് ഒത്തുതീര്‍പ്പ് ചര്‍ച്ചയ്ക്കായി ഹരിദാസിന്റെ വീട്ടിലെത്തിയ അജിത്തിനെയും ബന്ധുക്കളെയും ദീപുവും ഹരിദാസും ചേര്‍ന്ന് അപമാനിച്ച്‌ ഇറക്കിവിട്ടതിനെ തുടര്‍ന്ന്, അജിത്തിന്റെ ഭാര്യ വിനീതയുടെ ബന്ധുക്കള്‍ ദീപു ജോലി ചെയ്യുന്ന തിരുവല്ലയിലെ സ്വകാര്യ ആശുപത്രിയില്‍ ചോദിക്കാനെത്തിയിരുന്നു. ഇതിന്‍റെ വിരോധത്തില്‍ ആണ് അജിത്തിനെയും ഭാര്യ വിനീതയെയും ആക്രമിച്ചത്.
അജിത്തിനെ തള്ളിത്താഴെയിടുന്നതു കണ്ട് ഓടിയത്തിയ വിനീതയെ മുടിക്കുത്തില്‍ പിടിച്ച്‌ വലിച്ചു പുറത്താക്കിയശേഷം മുറ്റത്തിട്ട് മര്‍ദ്ദിക്കുകയായിരുന്നു.
കൈ പിടിച്ച്‌ തിരിച്ച ശേഷം യുവതിയുടെ പുറത്തും തലയിലും ഇടിക്കുകയായിരുന്നു. ശേഷം പ്രതി യുവതിയുടെ കഴുത്തില്‍ അമര്‍ത്തിപ്പിടിക്കുകയും, വയറില്‍ തൊഴിക്കുകയും ചെയ്യുന്നതിനിടെ ധരിച്ചിരുന്ന നൈറ്റി കീറുകയും ചെയ്‌തു.
പിറ്റേന്ന്, ഇരുവരും സ്റ്റേഷനിലെത്തി പരാതി നല്‍കുകയായിരുന്നു. യുവതിയുടെ വിശദമായ മൊഴി രേഖപ്പെടുത്തിയ പൊലീസ് വൈകിട്ടോടെ പ്രതിയെ കസ്റ്റഡിയിലെടുത്തു. സ്റ്റേഷനില്‍ വിശദമായി ചോദ്യം ചെയ്‌തപ്പോള്‍ ഇയാള്‍ കുറ്റം സമ്മതിച്ചു. തുടര്‍ന്ന്, പ്രതിയുടെ അറസ്റ്റ് രേഖപ്പെടുത്തുകയായിരുന്നു.
എസ് ഐ താഹാകുഞ്ഞിന്‍റെ നേതൃത്വത്തിലായിരുന്നു പ്രതിയെ പിടികൂടിയത്. സി പി ഓമാരായ അഭിലാഷ്, അരുണ്‍, സാജന്‍ എന്നിവര്‍ അന്വേഷണസംഘത്തിലുണ്ടായിരുന്നു. പ്രതിയെ കോടതിയിൽ ഹാജരാക്കി.
Post Your Comments