നവരാത്രി അടുത്തുവരുന്നു. മിക്ക വീടുകളിലും ഒരുക്കങ്ങൾ വളരെ ഉത്സാഹത്തോടെ ആരംഭിച്ചു കഴിഞ്ഞു. നവരാത്രി എന്നാൽ ഒമ്പത് രാത്രികൾ എന്നാണ് അർത്ഥം. ദുർഗാ ദേവി മഹിഷാസുരൻ എന്ന അസുരനെ തോൽപ്പിക്കുകയും ദുഷ്ടശക്തിയിൽ നിന്ന് ലോകത്തെ രക്ഷിക്കുകയും ചെയ്‌തതിനാൽ നവരാത്രി ഒരു ശുഭകരമായ ഉത്സവമായി കണക്കാക്കപ്പെടുന്നു.
തിന്മയുടെയും ദുഷ്ടതയുടെയും നിഷേധാത്മക ശക്തികൾക്കെതിരെ ഉപയോഗിക്കുന്ന ദൈവിക ശക്തിയെയും ജ്ഞാനത്തെയുമാണ് ദുർഗാ ദേവി പ്രതിനിധീകരിക്കുന്നത്. നവരാത്രിയിലെ ഓരോ ദിനത്തിനും ചില പ്രസക്തിയുണ്ട്. നവരാത്രി ദിവസങ്ങളിൽ ഏത് നിറത്തിലുള്ള വസ്ത്രങ്ങൾ ധരിക്കണമെന്ന് അറിയാം;
ആദ്യ ദിവസം- നവരാത്രിയുടെ ആദ്യ ദിവസം, ദുർഗാ ദേവിയുടെ ആദ്യ രൂപമായ ശൈലപുത്രി ദേവിയെ ആരാധിക്കുന്നു. ദേവി ശൈലപുത്രി മഞ്ഞ നിറം വളരെ ഇഷ്ടപ്പെടുന്നു. അതുകൊണ്ട് ഈ ദിവസം മഞ്ഞ ധരിക്കുന്നത് ഭാഗ്യമാണെന്നാണ് പറയപ്പെടുന്നത്. ഇത് ഭാഗ്യവും സന്തോഷവും കൈവരിക്കുന്നതിലേക്ക് നയിക്കുന്നു.
രണ്ടാം ദിവസം- നവരാത്രിയുടെ രണ്ടാം ദിവസം ബ്രഹ്മചാരിണി ദേവിയെ ആരാധിക്കുന്നു. ദേവിയ്ക്ക് പച്ച നിറം ഇഷ്ടമാണ്. നവരാത്രിയുടെ രണ്ടാം ദിവസം പച്ച വസ്ത്രം ധരിക്കുന്നത് വ്യക്തിയുടെ എല്ലാ ആഗ്രഹങ്ങളും നിറവേറ്റുമെന്ന് വിശ്വസിക്കപ്പെടുന്നു.
നാല് മാസം പ്രായമുള്ള കുഞ്ഞിനെ ഉപേക്ഷിച്ച് വീട്ടമ്മ കാമുകനൊപ്പം ഒളിച്ചോടി, ഒരു വര്‍ഷത്തിന് ശേഷം പിടിയില്‍
മൂന്നാം ദിവസം- ദുർഗാ ദേവിയുടെ മൂന്നാമത്തെ രൂപമാണ് ചന്ദ്രഘണ്ടാ ദേവി. നവരാത്രിയുടെ മൂന്നാം ദിവസം ദേവിയെയാണ് ആരാധിക്കുന്നത്. ഈ ദിവസം ബ്രൗൺ നിറത്തിലുള്ള വസ്ത്രങ്ങൾ ധരിക്കുന്നത് ഭാഗ്യമായി കണക്കാക്കപ്പെടുന്നു.
നാലാം ദിവസം- നവരാത്രിയുടെ നാലാം ദിവസം കൂഷ്മാണ്ഡ ദേവിയെ ആരാധിക്കുന്നു. ഈ ദിവസം, ഓറഞ്ച് നിറം തെളിച്ചം, അറിവ്, ശാന്തി എന്നിവയെ സൂചിപ്പിക്കുന്നു എന്നതിനാൽ ഈ ദിവസം ഭക്തർ ഓറഞ്ച് വസ്ത്രം ധരിച്ച് ദേവി കൂഷ്മാണ്ഡയെ ആരാധിക്കണമെന്ന് പറയപ്പെടുന്നു.
അഞ്ചാം ദിവസം- നവരാത്രിയുടെ അഞ്ചാം ദിവസം സ്കന്ദമാതാ ദേവിയെ ആരാധിക്കുന്നു. പൂജാവേളയിൽ വെളുത്ത വസ്ത്രം ധരിക്കണം. കാരണം അത് വിശുദ്ധിയെ പ്രതിനിധീകരിക്കുന്നു.
ആറാം ദിവസം- നവരാത്രിയുടെ ആറാം ദിവസമാണ് കാർത്യായനി ദേവിയെ ആരാധിക്കുന്നത്. കാർത്യായനി ദേവിക്ക് ചുവപ്പ് നിറം വളരെ ഇഷ്ടമാണ്. അതുകൊണ്ട് ഈ ദിവസം ചുവന്ന വസ്ത്രം ധരിച്ച് ദേവിയെ ആരാധിച്ച് അനുഗ്രഹം തേടണം.
ദുർഗാ പൂജ 2022: ദുർഗാ ദേവിയുടെ പത്ത് കൈകളിലെയും ആയുധങ്ങളുടെ പ്രാധാന്യം
ഏഴാം ദിവസം- നവരാത്രിയുടെ ഏഴാം ദിവസമാണ് ദേവി കാളരാത്രിയെ ആരാധിക്കുന്നത്. ഈ ദിവസം കാളരാത്രിയെ ആരാധിക്കാൻ ഭക്തർ നീല നിറത്തിലുള്ള വസ്ത്രങ്ങൾ ധരിക്കുന്നത് നല്ലതാണ്.
എട്ടാം ദിവസം- നവരാത്രിയിലെ പ്രധാനപ്പെട്ട ദിവസങ്ങളിലൊന്നാണ് അഷ്ടമി. ദുർഗാ ദേവിയുടെ എട്ടാമത്തെ രൂപമായ മഹാഗൗരിയെ ഈ ദിവസം ആരാധിക്കുന്നു. പ്രത്യാശ, ആത്മസംസ്‌കരണം, സാമൂഹിക ഉന്നമനം എന്നിവയെ പ്രതിനിധീകരിക്കുന്ന ആരാധനയ്‌ക്കിടെ ഭക്തർ സൂക്ഷ്മമായ പിങ്ക് നിറത്തിലുള്ള വസ്ത്രങ്ങൾ ധരിക്കണം.
ഒമ്പതാം ദിവസം- നവരാത്രിയുടെ ഒമ്പതാം ദിവസം, ദുർഗാ ദേവിയുടെ ഒമ്പതാം രൂപമായ സിദ്ധിദാത്രി ദേവിയെ ആരാധിക്കുന്നു. എല്ലാ സിദ്ധികളുടെയും പുത്രിയായ സിദ്ധിദാത്രിയുടെ ആരാധനയ്ക്ക് പ്രത്യേക പ്രാധാന്യമുണ്ട്. ഈ ദിവസം പർപ്പിൾ നിറത്തിലുള്ള വസ്ത്രങ്ങൾ ധരിക്കുന്നത് ശുഭകരമായി കണക്കാക്കപ്പെടുന്നു.
Post Your Comments